കാഴ്ചകള്‍

ചൂരൽ കൊട്ട നിറച്ചും ഉമ്മകൾ

2011-09-02T05:55:00.002-07:00

നീ നിത്യവും പ്രപഞ്ചത്തിന്റെ പ്രകാശവുമൊത്ത് നൃത്തമാടുന്നു

നീ ഒരു നേർത്ത വിരുന്നുകാരിയായി
പൂവിലും ജലത്തിലും വന്നെത്തുന്നു.

നീ മറ്റാരെപ്പോലെയുമല്ല, കാരണം,
ഞാൻ നിന്നെ പ്രേമിക്കുന്നു.

കാറ്റ് പൂമ്പാറ്റകളെക്കൊന്നു
ദു:ഖത്തോടെ പാഞ്ഞു പോകുമ്പോൾ
ഞാനിതാ നിന്നെ താലോലിക്കുന്നു, എന്റെ ആഹ്ലാദം
നിന്റെ അധരങ്ങളുടെ ചെമ്മുന്തിരികൾ
കടിച്ചെടുക്കുന്നു

വെയിൽ സ്ഫുടം ചെയ്തെടുത്ത നിന്റെ
ഉടലിന്റെ ചിപ്പിയെ
എത്രയോ കാലമായി ഞാൻ സ്നേഹിക്കുന്നു

പ്രപഞ്ചം മുഴുവനും നിന്റേതാണെന്നു
ഞാനിപ്പോൾ വിശ്വസിക്കുന്നു.

ഗിരിനിരകളിൽ നിന്നു ഞാൻ നിനക്കുവേണ്ടി
സൌഖ്യം തുളുമ്പുന്ന പൂക്കൾ കൊണ്ടുവരും
നീലശ്ശംഖു പുഷ്പങ്ങൾ
തവിട്ടു നിറമാർന്ന ഹെയ്സൽ പുഷ്പങ്ങൾ,
ചൂരൽ കൊട്ട നിറച്ചും ഉമ്മകൾ

വസന്തം ചെറിമരങ്ങളുമായിച്ചെയ്യുന്നത്
എനിക്കു നീയുമായിച്ചെയ്യണം.

ജീവിതം നമ്മെ വേർപെടുത്താതിരിക്കട്ടെ
മരണം പോയിത്തുലയട്ടെ !

കാറ്റിനെത്തേടിയെൻ ശബ്ദമവളുടെ
കേൾവി സ്പർശിക്കുവാൻ

എത്ര ഹ്രസ്വം പ്രേമം. എങ്കിലും വിസ്മൃതി-
യെത്ര ദീർഘം

എനിക്കു നിന്നെ സ്നേഹിക്കാനാവുന്നത്
ചുംബനങ്ങളും അവീൻ പുഷ്പങ്ങളും കൊണ്ടുമാത്രം
മഴ നനഞ്ഞ പൂമാലകൾ കൊണ്ടു മാത്രം

പൂ, പൂവിനുവേണ്ടി
തന്റെ വിലയേറിയ വിത്തു കൈവിടുന്നു
......
ഞാൻ സ്നേഹിക്കുന്നത് നിന്റെ പൊയ്മുഖമല്ല
നിന്റെ പ്രശാന്തിയാണ്

എന്റെ സ്നേഹം
നിന്റെ കൈവിട്ടുപോകാൻ പേടിക്കുന്ന ഒരു
കുട്ടിയാണ്
അവനെ ഞാൻ എന്നെന്നേയ്ക്കുമായി
നിന്നെ ഏൽ‌പ്പിക്കുന്നു-
സ്ത്രീകളിൽ വെച്ചു മനോഹരിയായ നിന്നെ

നിന്റെ ഹൃദയം ഭൂമിയാൽ നിർമ്മിക്കപ്പെട്ടതാണ്
പക്ഷേ നിന്റെ കൈകൾ സ്വർഗീയം

ഞാനവൾക്കായിസ്സഹിക്കുമവസാന-
വേദനയാണിതെന്നാകിലും
ഞാനവൾക്കായിക്കുറിക്കുമവസാന
ഗീതകമാണിതെന്നാകിലും.

സ്വാതന്ത്ര്യ ദിനാശംസകള്‍

2011-08-15T01:42:00.000-07:00

ചില സ്വാതന്ത്ര്യ ദിനാഘോഷ കാഴ്ചകള്‍

എല്ലാ സുഹൃത്തുക്കള്‍ക്കും പാച്ചു & ടീംസിന്‍റെ സ്വാതന്ത്ര്യദിനാശംസകള്‍

കയർ

2011-08-07T00:39:00.000-07:00

നനുത്ത ബന്ധങ്ങൾ ഇഴചേർന്ന് ദൃഢവും ദീർഘവുമായ ജീവിതമുണ്ടാകുന്നതുപോലെയാണ് കയറുകൾ ജനിക്കുന്നത്.

കേരം തിങ്ങും കേരളനാടിന് കെട്ടുറപ്പുണ്ടാക്കുന്ന സ്വന്തം കയറിന്റെ നിർമ്മാണ ഘട്ടങ്ങളിലേയ്ക്ക് സ്വാഗതം...

നാളികേരത്തിന്റെ തൊണ്ട് വെള്ളത്തിലിട്ട് അഴുക്കി ഒരു പരുവമാക്കി തല്ലി പതം വരുത്തിയായിരുന്നു ആദ്യമെല്ലാം കയറിന്റെ അസംസ്കൃത വസ്തു സൃഷ്ടിച്ചിരുന്നത്, കായൽക്കരകൾ ലക്ഷ്വറി ഹൌസിംഗ്/ റിസോർട്ട് പ്ലോട്ടുകളും തോടുകൾ ഡ്രൈനേജ് ടണലുകളുമായി മാറിയ കാലത്ത്, ഈ പരമ്പരാഗത മാർഗ്ഗം എൻവയോണ്മെന്റൽ പൊലൂഷന് കാരണമാകുന്നുവെന്ന് ഹൌസിംഗ് സൊസൈറ്റികൾ പരാതിപ്പെടാൻ തുടങ്ങി...

അതുകൊണ്ട് ഇപ്പോൾ അന്യ സംസ്ഥാനങ്ങളിൽ നിന്നും ഈ കേര ഫൈബർ ഹസ്ക് സംഘടിപ്പിച്ചാണ് കേരത്തിന്റെ സ്വന്തം നാട്ടുകാർ കയർ ഉൽ‌പ്പാദിപ്പിക്കുന്നത്...അതിങ്ങനെ കെട്ടുകളായി സൊസൈറ്റികളിൽ ഇറക്കുന്നു

ഈ യന്ത്രം ഉപയോഗിച്ച് അത് വൃത്തിയാക്കുന്നു...

നിർമ്മിക്കേണ്ട കയറുകൾക്കനുസരിച്ച് നാരുകൾ തരം തിരിക്കുന്നു...

നാരുകൾ പിരിച്ച്...

നീളത്തിൽ ചേർത്ത്...

വീതിയുള്ള കയറുകൾ നിർമ്മിക്കുന്നു.

വീതികുറഞ്ഞ കയറുകൾ നിർമ്മിക്കുന്നതിനുപയോഗിക്കുന്ന 1/4 എച്ച്.പി. റാഫ്റ്റ് ആണിത്

അതിനു വേണ്ടി പ്രത്യേകം നാരുകൾ തരം തിരിക്കുന്നു...

റാഫ്റ്റിൽ ഇതു പോലെ ഘടിപ്പിച്ച് നാരുകൾ ഇഴചേർത്ത് നീട്ടി കൊണ്ടു പോകുന്നു...

ഇതിനു രണ്ടു റാഫ്റ്റുകൾ ഉപയോഗിക്കുന്നു...

ഇങ്ങനെ രണ്ടുപേർ നാരുകളിൽ നിന്ന് നേരിട്ട് ചെറിയ കയർ ഇഴ ചേർക്കുന്നു...

അതിവിടെ വെച്ച് ഒന്നായി ചേർത്ത് കെട്ടുന്നു...

ശേഷം ആദ്യ മെഷീനിനോടു ചേർത്ത സ്വിച്ച് ‘റിമോട്ടായി’ ഓണാക്കുന്നു...

ശേഷം ഈ രണ്ടു കയറുകളും ഒരു സുന ഉപയോഗിച്ച് ഇഴ ചേർക്കുന്നു...

ഇതാണാ സുന

അങ്ങനെ ഭൂമിയിൽ കയറുകളുണ്ടാകുന്നു...

തുടർന്ന് വ്യത്യസ്ത രൂപങ്ങളിൽ ഭാവങ്ങളിൽ ചന്തകളിലേക്ക്, കേരളത്തിന്റെ ജീവിതങ്ങൾക്ക് കെട്ടുറപ്പു നൽകാൻ.!

നിങ്ങൾ ക്യൂവിലാണ്..!

2011-05-27T08:52:00.000-07:00

ഒരു വേനൽക്കാല ദൃശ്യം

ദില്ലീ ദിവാനി - 5

2011-05-11T08:05:00.000-07:00

ദില്ലി കാഴ്ചകൾ തുടരുന്നു - കുത്തുബ് മിനാർ -

വിദേശിയർ നമുക്ക് തന്നത് ജീർണ്ണിച്ച ശവകുടീരങ്ങൾ മാത്രമാണ്...! - ജോൺ എബ്രഹാം (അമ്മ അറിയാൻ)

ദില്ലിയിൽ സഞ്ചാരികളെത്തുന്നത് ആ ജീർണ്ണിച്ച ശവകുടീരങ്ങൾ കാണുവാനാണ്, പൊതു ജനത്തിന്റെ നികുതിപ്പണം കൊണ്ടും, നാട്ടു രാജ്യങ്ങൾ കൊള്ളയടിച്ചും ചക്രവർത്തിമാർ കെട്ടിപ്പൊക്കിയ ശവകുടീരങ്ങൾ, അവരുടെ പിതൃക്കളുടെ, ഭാര്യമാരുടെ, മക്കളുടെ, എന്തിന് മുടിവെട്ടുകാരുടേയും അന്ത:പുരം ദാസിമാരുടേയും വരെ ശവകുടീരങ്ങൾ, വിദേശിയരുടെ ഈ നിർമ്മാണഭ്രമത്തിന്റെ തുടക്കം കുത്തുബ് മിനാറിൽ നിന്നുമാണ്, ആ മിനാരത്തിന്റെ ചില ദൃശ്യങ്ങളിലേക്ക്...

രജപുത്ര രാജാവ് പൃഥ്വിരാജ് ചൌഹാനെ തോല്പിച്ച് അഫ്ഗാനിലേക്ക് മടങ്ങിപ്പോയ ഷഹാബുദ്ധീൻ മുഹമ്മദ് ഗോറി, ദില്ലിക എന്ന പഴയ ദില്ലിയെ, സേനാനായകനായിരുന്ന അടിമ കുത്തബുദ്ധീൻ ഐബക്കിന് ഭരിക്കാ‍നായി ഏൽ‌പ്പിച്ചു. ദില്ലികയിലെ ഇരുപത്തിഏഴ് ജൈന-ഹിന്ദു ക്ഷേത്രങ്ങൾ തകർത്ത് അതിനു മുകളിൽ ഖുവ്വത്തുൽ ഇസ്ലാം എന്ന, ദില്ലിയിലെ ആദ്യ മുസ്ലീം പള്ളി പണിതു, അതിൽ ബാങ്കു വിളിക്കുന്നതിന്റെ ടവറാണ് കുത്തുബ് മിനാറെന്ന് പിന്നീട് പ്രശസ്തമായ മിനാരം.

അഫ്ഗാനിലെ ഗോർ പ്രവിശ്യയിലെ ജാമിലെ മിനാരത്തിൽ നിന്ന് പ്രചോദനം കൊണ്ട്, യുദ്ധവിജയ സ്മാരകമായാണ് മിനാരത്തിന്റെ നിർമ്മാണം തുടങ്ങിയത് - 1193 എ.ഡിയിൽ,

തുടർന്ന് പള്ളിയുടെ മറ്റു ഭാഗങ്ങളുടെ നിർമ്മിച്ചു. 72.5 മീറ്റർ ഉയരമുള്ള ഈ മിനാരത്തിന്റെ അടിത്തറ ചൌഹാന്മാർ പണിതതാണെന്നാണ് കരുതപ്പെടുന്നത്.

കുത്തബുദ്ധീൻ ഐബക്കിന് അഞ്ചിൽ ആദ്യ നില മാത്രമേ പണിയാനൊത്തുള്ളൂ, പിന്നീട് മരുമകൻ ഇൽതുമിഷ് അടുത്ത മൂന്നു നിലകളും പണിതു, ഫിറോഷ് ഷാ തുഗ്ലക്ക് അവസാനത്തെ നിലയും...പല രാജവംശങ്ങൾ കടന്ന് 1517 ൽ ലോദിമാരുടെ ഭരണം വരെ കുത്തുബ്മിനാറിൽ പണി നടന്നതായി പറയപ്പെടുന്നു. ഇതു സൃഷ്ടിച്ച ശൈലീ വ്യത്യാസം മിനാരത്തിന്റെ രൂപത്തിലും കാണാം

ഇൽത്തുമിഷ്, അലാവുദ്ധീൻ ഖിൽജി, ഇമാം സമീം എന്നിവരുടെ ശവകുടീരങ്ങളും, അലാവുദ്ധീൻ ഖിൽജി പണിത അലായ് മിനാരം, അലായ് ദർവാസ, നാലാം നൂറ്റാണ്ടിലെ ഇരുമ്പ് സ്തൂപം എന്നിവയും ഇതിനോട് ചേർന്ന് സ്ഥാപിച്ചിരിക്കുന്നു.

നാലാം നൂറ്റാണ്ടിൽ സമുദ്ര ഗുപ്ത രണ്ടാമൻ നിർമ്മിച്ച ഇരുമ്പു സ്തൂപമാണ് ഹൈന്ദവ ആരാധനയുമായി ബന്ധപ്പെട്ട് അതേ സ്ഥാനത്ത് മാറ്റമില്ലാതെ നിലനിർത്തിയിരിക്കുന്ന ഒരേ ഒരു നിർമ്മിതി. വിഷ്ണു സ്തുതികൾ രേഖപ്പെടുത്തിയ ഈ ഇരുമ്പു സ്തൂപം ആയിരത്തറുനൂറിലധികം വർഷങ്ങൾ കഴിഞ്ഞും തുരുമ്പെടുക്കാതെ നിലനിൽക്കുന്നത് പുരാതന ഇന്ത്യക്കാരുടെ സാങ്കേതിക ജ്ഞാനത്തിന്റെ ഉദാഹരണമാണ്. ഇതു മായി ബന്ധപ്പെട്ട് ദില്ലിക്കാർക്കിടയിൽ ചില രസകരമായ വിശ്വാസങ്ങളുമുണ്ട്...

അലാവുദ്ധീൻ ഖിൽജിയാണ് മിനാരത്തിനോട് ചേർന്ന കെട്ടിടങ്ങൾ വിപുലീകരിച്ചത്...

കുത്തുബ് മിനാരത്തേക്കാൽ രണ്ടിരട്ടി വലിപ്പമുള്ള മറ്റൊരു മിനാരം അതിനടുത്ത്...അതായിരുന്നു ഖിൽജിയുടെ സ്വപ്നം, അതിന്റെ പണി തുടങ്ങിയതുമാണ്. അദ്ദേഹത്തിന്റെ മരണ ശേഷം അതേറ്റെടുക്കാൻ ആരുമില്ലാതെ വന്നപ്പോൾ ഒന്നാം നിലയിൽ സ്വപ്നം അവസാനിച്ചു.

കുത്തബുദ്ധീൻ ഐബക്കിന്റെ പിൻഗാമി ഇൽത്തുമിഷാണ് മിനാരത്തിന് കുത്തുബ് എന്നു പേരിട്ടത്, കുത്തബുദ്ധീൻ ഭക്തിയാർ ഖാകി എന്ന സൂഫി പണ്ഡിതന്റെ പേരാണ് മിനാരത്തിനിട്ടത് എന്നൊരു വാദവുമുണ്ട്. ഇടിമിന്നലിലും ഭൂമി കുലുക്കത്തിലും മൂന്നു പ്രാവശ്യത്തോളം മിനാരം തകർന്നിട്ടുണ്ടത്രേ..!

ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ നിന്നും മിനിറ്റുകളുടെ ഇടവേളകളിൽ പറന്നുയരുന്ന വിമാനങ്ങൾ സൃഷ്ടിക്കുന്ന അന്തരീക്ഷ മർദ്ദ വ്യതിയാനങ്ങളേയും ഈ മിനാരം തോൽ‌പ്പിക്കുന്നു

ചുട്ടെടുത്ത മൺകട്ടകളിൽ പണിതതിൽ ലോകത്തിലെ ഏറ്റവും ഉയരം കൂടിയ മിനാരമായ കുത്തുബ് മിനാർ നൂറ്റാണ്ടുകൾ കഴിഞ്ഞ് പുതിയ കാലത്തിലെ സന്ദർശകരോടു പറയുന്നതെന്താണ്...

...കാലത്തിനെ അതിജീവിച്ച് അനശ്വരത നേടാൻ മനുഷ്യൻ നടത്തുന്ന ശ്രമങ്ങളുടെ കഥകളോ ? പ്രജകളെ മറന്ന് നികുതിപ്പണം കൊണ്ട് കൊട്ടാരങ്ങൾ കെട്ടിയ അധികാരികളുടെ കഥകളോ ? തുടരും...

ബസാർ

2011-05-01T08:03:00.000-07:00

ഒരു മാർക്കറ്റ് ദൃശ്യം

ദില്ലീ ദിവാനി - 4

2011-04-27T03:33:00.000-07:00

ദില്ലി കാഴ്ചകൾ തുടരുന്നു...

ഡെൽഹി - 6

ദില്ലി പ്രൌഢയായ ഒരു റാണിയെപ്പോലെയായിരുന്നു, സമ്പന്നമായ യൌവ്വനത്തിൽ അവൾക്കു വേണ്ടി യുദ്ധങ്ങളുണ്ടായി, കാവ്യങ്ങളുണ്ടായി...

കാലങ്ങൾ കടന്നു പോയപ്പോൾ ആരും തിരിഞ്ഞു നോക്കാനില്ലാതെ ചന്തയിൽ അലയുന്ന ദരിദ്രയായ ഒരു വൃദ്ധയെപ്പോലെയായി...നൂറ്റാണ്ടുകളുടെ പൊടിപിടിച്ച ആ തെരുവുകളുടെ പേര് ഡെൽഹി - 6 എന്നാണ്, ഹിന്ദിയിൽ ദില്ലി - ഛെ !

ദില്ലിയുടെ ആത്മാവ് ഇവിടെയാണ്, ജനങ്ങൾ തിങ്ങി നിറഞ്ഞ ഈ തെരുവുകളിൽ...

ചാന്ദിനീ ചൌക്ക് അടക്കമുള്ള പ്രശസ്ത ചന്തകൾ ഇവിടെയാണ്, പഴകി ദ്രവിച്ച ഈ തെരുവുകളിൽ കിട്ടാത്തതൊന്നുമില്ലത്രേ...

കച്ച മുതൽ കൊട്ടാരങ്ങൾ വരെ ഇവിടെ കച്ചവടം ചെയ്യുന്നു...

അപരിചിതമായ ഒരു ദില്ലിയെ ഇവിടെ കാണാം...

കാലം ഇവിടെ തളം കെട്ടി നിൽക്കുന്നതു പോലെ തോന്നും..

വഴിക്കച്ചവടക്കാരുടേയും റിക്ഷാക്കാരുടേയും ഉച്ചത്തിലുള്ള വിളികൾ നിങ്ങളെ ഒരു പാടു വർഷം പിന്നിലേക്കു കൊണ്ടു പോകും...

രാത്രി വൈകിയും ഈ തെരുവുകൾ സജീവമാണ്...

മരവിപ്പിക്കുന്ന തണുപ്പിലും അവർ പങ്കുകച്ചവടത്തിന്റെ ചൂടിലായിരിക്കും...

തെരുവിന്റെ അവകാശികൾക്കും എല്ലാത്തിനുമൊരു പങ്കുണ്ട്..!

തുടരും...

ദില്ലീ ദിവാനി - 3

2011-04-20T08:32:00.001-07:00

ദില്ലി കാഴ്ചകൾ തുടരുന്നു...

റിക്ഷാവാലാ

പഴയ ദില്ലിയിലെ ചില റിക്ഷാ കാഴ്ചകളിലേക്കു സ്വാഗതം.

ബ്രിട്ടീഷ് വാഴ്ചയുടെ ബാക്കിപത്രമാണ് സൈക്കിൾ റിക്ഷകൾ, കൊൽക്കത്തയിലും, ചെന്നൈയിലും, ദില്ലിയിലും കാണുന്ന ഒരു അടിസ്ഥാന യാത്രാ വാഹനം.

ലൈസൻസും, ഫെയർചാർട്ടുമെല്ലാമുള്ള ഇവർക്ക് ദില്ലീവാ‍ലകളുടെ ജീവിതത്തിൽ ഒരു അവിഭാജ്യ സ്ഥാനവുമുണ്ട്,
ഇതൊന്നും അത്ര പരിചയമില്ലാത്ത നമുക്ക് ഈ വാഹന സൌകര്യം ഉപയോഗിക്കാൻ പ്രയാസം തോന്നും...കുറച്ചു കഴിഞ്ഞാൽ നമ്മളും ദില്ലീവാലകളെപ്പോലെ അവരോടു വിലപേശാൻ തുടങ്ങും...

റിക്ഷാവാലകളിൽ പലരും ഉത്തരേന്ത്യയിലെ പിന്നോക്ക സംസ്ഥാനങ്ങളിൽ നിന്ന് വന്നവരാണ്... കൃഷി സ്ഥലങ്ങൾ അപ്രത്യക്ഷമായതോടെ അതിജീവനത്തിനായി ഇവിടേക്കെത്തി, റിക്ഷാ ഉടമയ്ക്ക് വാടകയും, തട്ടുകടയിലെ ഭക്ഷണ ചെലവും, ട്രാഫിക് പോലീസിന് പടിയും കഴിച്ച് ബാക്കിയുള്ളത് അവർ ബീഹാറിലേയോ യൂ.പി.യിലേയോ ഗ്രാമത്തിലേക്ക്, അവിടെ കാത്തിരിക്കുന്ന കുടുംബത്തിന് അയച്ചു കൊടുക്കുന്നു...

ഈ ഇക്കോ ഫ്രണ്ട് ലി വാഹനങ്ങൾ അത്യാവശ്യം ലഗേജുകളും എടുക്കും..
പെട്രോൾ വില വർദ്ധിക്കുമ്പോൾ നെഞ്ചിടിക്കാത്ത വാഹനമുടമകൾ ഒരു പക്ഷേ ഇവർ മാത്രമാകും..!

സ്കൂൾ വിടുന്ന സമയത്ത് ചാന്ദിനി ചൌക്കിൽ റിക്ഷകളുടെ ബഹളമാണ്, കുരുന്നുകൾ ഈ വണ്ടികളിൽ കുത്തിമറിയുന്നതു കാണുമ്പോൾ മനസ്സിലാക്കാം സ്വന്തം വീടുപോലെ അവർക്കീ വണ്ടികളെ അറിയാമെന്ന്..!

ദില്ലിയിലെ സമ്പന്ന വീഥികളിലേക്ക് ഇവർക്ക് പ്രവേശനമില്ല, ആ നിരോധിത മേഖലകളുടെ വ്യാപ്തി ഓരോ വർഷവും വർദ്ധിക്കുന്നു എന്നുള്ളത് ഇവരുടെ ഉറക്കം കുറക്കുന്നുണ്ടാകും...അവരുടെ കുടുംബങ്ങളുടേയും..!

തിങ്ങി നിറഞ്ഞ തെരുവുകളിലൂടെ പായുന്നതിനിടയ്ക്ക് കൂട്ടിയിടികളും തർക്കങ്ങളും സാധാരണം. നാലു ലക്ഷത്തിലധികം റിക്ഷകൾ ദില്ലിയിലുണ്ടെന്നാണു കണക്ക്.

തലസ്ഥാനത്ത് ഇങ്ങനെ ഒരു കൂട്ടർ കറങ്ങി നടക്കുന്നത് രാജ്യത്തിന്റെ പുതിയ ഇമേജിനെ ബാധിക്കും എന്നു കണ്ട് ഇവരെ ഒഴിവാക്കാൻ നിയമങ്ങളും നിയന്ത്രണങ്ങളും വരുന്നുണ്ടെന്ന് എല്ലാവർക്കും അറിയാം...

തെരുവിലെ മൃഗങ്ങൾക്കു പോലും സംരക്ഷകരുള്ള ഒരു രാജ്യത്ത് ഒരു കൂട്ടർ ഗ്രാമങ്ങളിൽ നിന്നും നഗരങ്ങളിൽ നിന്നും ഒഴിവാക്കപ്പെടുന്നു...

ഇവർക്കും അതറിയാം, അതറിഞ്ഞിട്ടു തന്നെ ഒരു ചെറുചിരിയോടെ അവർ സലാം വെച്ചു പിരിയുന്നു, അടുത്ത യാത്രക്കാരന്റെ അടുത്തേക്ക്...

തുടരും

ഇലക്ട്രോണിക് വോട്ടിങ്ങ് മെഷീൻ

2011-04-12T09:53:00.000-07:00

അല്ല ശവീ, ഈ വോട്ടിങ്ങ് മെഷീന്നു പറഞ്ഞ എന്തുട്ടാ സംഗതി, ഇതൊക്കെ തട്ടിപ്പല്ലേ ? അമേരിക്കേ പോലും കടലാസിലാ കുത്തണേത്രേ, ന്ന്ട്ടാപ്പോ ഇവടെ ! ദ് കമ്പ്ലീറ്റ് തട്ടിപ്പാ...

എനിക്കറിയാംപാടില്ല ഗഡീ, നുമ്മളീ പോളി ടെക്നിക്കിലൊന്നു പഠിച്ചിട്ടില്ലല്ലോ !

ന്നാലും...

ഈ വോട്ടിങ്ങ് മെഷീൻ ന്ന് പറഞ്ഞാ അതിന് രണ്ടു ഭാഗണ്ട്, കണ്ട്രോൾ യൂണിറ്റ്, ബാലറ്റ് യൂണിറ്റ്. നമ്മളിങ്ങനെ വോട്ടു ചെയ്യാൻ ബൂത്തില് അതായത് സ്കൂളിലെ റൂമില് ചെല്ലുമ്പോൾ ഒരു മൂലയ്ക്ക്, കാർഡ് ബോർഡ് പേപ്പറുകൊണ്ട് മൂന്നു ഭാഗവും മറച്ച ഒരു മേശ കാണാം, അതിന്റെ സൈഡില് കൊറച്ചാളുകള് നെരന്നിരിക്കണ്ടാവും, അതിലാദ്യത്തെ ആൾക്ക് നമ്മള് തെരഞ്ഞെടുപ്പ് കാർഡോ, ഫോട്ടോ പതിച്ച സ്ലിപ്പോ കാണിക്കുന്നു, അതു നോക്കി അവര് നമ്മളെ തിരിച്ചറിയും, പിന്നെ വോട്ടർ പട്ടികയിലെ മ്മ്ടെ നമ്പര് കാണിക്കണം, അതുള്ള സ്ലിപ്പ് പാർട്ടിക്കാരു തരും, ആ നമ്പരു സാറമ്മാരുടെ കയ്യിലുള്ള പട്ടികയുമായി ഒത്തു നോക്കി ഒരൊറ്റ പറച്ചിലാണ്, മുന്നൂറ്റി ഇരുപത്തഞ്ചിൽ വടക്കേ മാവിഞ്ചോട്ടിൽ അന്ത്രു മകൻ ഷുക്കൂറ് - ആണ്, അപ്പോ ഇതേ വോട്ടർ പട്ടികയുമായി ബൂത്തിന്റകത്ത് പാർട്ടിക്കാരുണ്ടാകും, അവർ അവരുടെ പട്ടികയിലും അടയാളപ്പെടുത്തുന്നു, പിന്നെ ഒരു മാഷ് എടത്തേ ചൂണ്ടു വിരലിൽ മഷി വെച്ച് തൊലിയിലും നഖത്തിലുമായി ഒരു വര വരക്കുന്നു, പിന്നെ ഒരു പട്ടികയിൽ നമ്മൾ ഒപ്പിടുകയും വേണം, അവിടെ നിന്ന് ഒരു ചെറിയ തുണ്ട് കടലാസ് കിട്ടുന്നു, അതുമായി മേശയ്കരികിൽ ഇരിക്കുന്ന മാഷ്മാരുടെ അടുത്തേക്ക്, അവിടെ ഈ തുണ്ട് കൊടുക്കുന്നു, അവിടെ ഒരു പെട്ടി കാണാം, അതാണ് വോട്ടിങ്ങ് യന്ത്രത്തിന്റെ പ്രധാന ഭാഗം, കണ്ട്രോൾ യൂണിറ്റ്, അതിന്റെ അവസാനം ചാരനിറത്തിൽ ഒരു ബട്ടണുണ്ട് ‘ടോട്ടൽ’ എന്നെഴുതിയതും, നീല നിറത്തിൽ ചതുരത്തിൽ ‘ബാലറ്റ്’ എന്നെഴുതിയതും, മൂന്നാമതായിരിക്കുന്ന ആ മാഷ് ബാലറ്റ് ബട്ടണിൽ ഒന്നമർത്തുന്നു, ബാലറ്റ് ഇഷ്യൂ എന്നാണിതിന്റെ പേര്, ഒരു ബീപ് ശബ്ദം ഉയരുന്നു, യന്ത്രം റെഡിയാണ്, ഈ യന്ത്രത്തിൽ നിന്ന് ഒരു കേബിൾ മേൽ പറഞ്ഞ കാർഡ് ബോർഡ് മേശയിലേക്ക് പോയിട്ടുണ്ടാകും, കേബിളെന്നു പറഞ്ഞാൽ പഴയ ടിവി ഏരിയലിന്റെ കേബിളില്ലേ...

അതിന്റെ ചേലുക്ക് പരന്ന കറുത്ത ഒരു കേബിള്. ബാലറ്റ് യൂണിറ്റ് എന്ന യന്ത്ര ഭാഗമാണു അതിന്റെ അറ്റത്ത്, അതിൽ നമ്മക്ക് വോട്ടു കുത്താം, റെഡിയാണ് എന്നു കാണിച്ച് അതിനു മുകളിൽ ഒരു പച്ച ബട്ടൺ കത്തുന്നുണ്ടാവും, നീളത്തിലുള്ള ഈ യന്ത്രത്തിലാണ് സ്ഥാനാർത്ഥികളുടെ പേരുകളും ചിഹ്നങ്ങളും ഉണ്ടാവുക, ഒരോ പേരിന്റേയും നേർക്കും ഒരു അമ്പടയാളവും ഒരു നീല ബട്ടണും ഉണ്ടാകും അതിലൊന്നിൽ കുത്തിയാൽ നീട്ടിയ ഒരു ബീപ് ശബ്ദം വരും, അപ്പോൾ നിങ്ങളുടെ വോട്ട് പെട്ടിയിലായി സോറി യന്ത്രത്തിലായി.

അല്ല ഈ ഇലക്ഷന്റെ ഇടയിൽ കറന്റു പോയാലോ..?

അതിനു മെഷീൻ ആൽക്കലേൻ ബാറ്ററിയിലല്ലേ പ്രവർത്തിക്കുന്നത്..! യന്ത്രത്തില് രണ്ടു വാതിലുണ്ട്, ഒന്നു ബാറ്ററിയുടെ ബട്ടണുകളാണ്, അതു കിട്ടുമ്പോഴേ സീല് വെച്ചു പൂട്ടിയിട്ടുണ്ടാകും...

ഇതില് ആദ്യം തന്നെ വോട്ടു ചെയ്തു വെച്ചിട്ടുണ്ടെങ്കിലോ ?

ഇത് കയ്യിൽ കിട്ടിയാൽ ആദ്യം ഉദ്യോഗസ്ഥർ അത് പരിശോധിക്കും, മെഷീൻ ഓൺ ചെയ്യുമ്പോൾ തന്നെ, എത്രാമത്തെ നിയോജകമണ്ഡലം, എത്രാമത്തെ ബൂത്ത്, എത്ര സ്ഥാനാർത്ഥികൾ എന്നിങ്ങനെ നമ്പറുകൾ തെളിയും, രണ്ടാമത്തെ വാതിലിനടിയിലുള്ള ഒരോ ബട്ടണും പരിശോധിക്കും, ഓരോ സ്ഥാനാർത്ഥികൾക്കും വോട്ടു ചെയ്തു നോക്കും, റിസൾട്ട് എന്ന ബട്ടൺ അമർത്തി കുത്തിയ കണക്കിനാണോ റിസൾട്ടു വരുന്നതെന്നും പരിശോധിക്കും, ശേഷം ക്ലിയർ എന്ന ബട്ടൺ അമർത്തി എല്ലാം മായ്ക്കും,

അപ്പോൾ എല്ലാം മായുമോ ?

സ്ഥാനാർത്ഥികളുടെ വിവരങ്ങൾ വരെയുള്ളവ മായ്ക്കാൻ പറ്റില്ല

അപ്പോൾ ഉദ്യോഗസ്ഥർ കള്ളക്കളി കളിച്ചാലോ ?

അതിന് തെരഞ്ഞെടുപ്പിനു മുൻപ് ഈ കാര്യങ്ങളെല്ലാം സ്ഥാനാർത്ഥികളുടെ പ്രതിനിധികളുടെ മുന്നിൽ വെച്ച് അവരെക്കൊണ്ടു തന്നെ ചെയ്തു പരിശോധിപ്പിച്ചു ബോധ്യപ്പെടുത്തുന്നു. എല്ലാ സ്ഥാനാർത്ഥികൾക്കും പൂജ്യം വോട്ട് ആണെന്നു ബോധ്യപ്പെടുത്തുന്നു, എന്നിട്ടു മാത്രമേ ആദ്യ വ്യക്തിയെ വോട്ടു ചെയ്യുവാൻ അനുവദിക്കുകയുള്ളൂ.

ഇലക്ഷനിടയ്ക്ക് ഫലം രഹസ്യമായി പരിശോധിക്കാൻ പറ്റുമോ ?

ഇലക്ഷനിടയ്ക്ക് കണ്ട്രോൾ യൂണിറ്റിന്റെ രണ്ടു ബട്ടണുകൾ മാത്രമേ ഉപയോഗിക്കാൻപറ്റുള്ളൂ, മുകളിൽ പറഞ്ഞ ബാലറ്റും, പിന്നെ ടോട്ടലും, എത്ര വോട്ട് യന്ത്രത്തിലായി എന്ന് അറിയുന്നതിനുള്ള ബട്ടൺ, അവസാനം പട്ടികയും ഈ കണക്കും തമ്മിൽ ഒത്തു നോക്കും.

ഇലക്ഷനു ശേഷം ആരെങ്കിലും ഇതെല്ലാം മയച്ചുകളഞ്ഞു അതേ കണക്കിനു വേറെ കുത്തിയാലോ ?

ഇലക്ഷനു ശേഷം എല്ലാവരുടേയും സാന്നിധ്യത്തിൽ ‘ക്ലോസ്‘ ബട്ടൺ അമർത്തുന്നു, ശേഷം ക്ലിയർ, റിസൾട്ട്, ക്ലോസ് ബട്ടണുകളടങ്ങിയ ജാലകം അടച്ചു ഒരു പേപ്പർ ടാഗു വെച്ചു അടക്കുന്നു, അത് തുറക്കാൻ ശ്രമിച്ചാൽ ടാഗു കീറും, അതിനു മുകളിൾ ഒരു പ്രത്യേക തരത്തിൽ നീളത്തിലും കുറുകേയും സ്റ്റിക്കർ ഒട്ടിക്കുന്നു, ഒരു തരം സീലിംഗ്, ആ സ്റ്റിക്കറിന് ഒരു നമ്പർ ഉണ്ട്, അതെല്ലാ പാർട്ടിക്കാർക്കും നൽകുന്നു, ആ ജാലകം തുറക്കണമെങ്കിൽ അതു കീറേണ്ടി വരും, ഓരോ ജാലകവും ഒരു കാർഡുമായി കൂട്ടിക്കെട്ടുന്നു, അരക്കു വെച്ച് ഒട്ടുക്കുന്നു, ഇതിൽ എല്ലാ പാർട്ടിക്കാരും ഒപ്പു വെയ്ക്കും, അരക്ക് പ്രത്യേക രീതിയിലായിരിക്കും കെട്ടി ഒട്ടിക്കുക, ചരടു പൊട്ടിച്ചാൽ കാർഡും കീറും, കേബിൾ സോക്കറ്റ് അടക്കം യന്ത്രത്തിലേക്കുള്ള എല്ലാ വഴികളും മേൽ രീതിയിൽ കാർഡ് ലോക്ക് ചെയ്യുന്നു, പിന്നെ അത് വോട്ടെണ്ണുന്ന ദിവസം മാത്രമേ തുറക്കുകയുള്ളൂ, അതും ഈ കാർഡുകളുടേയെല്ലാം നമ്പറുകളുള്ള പാർട്ടി പ്രതിനിധികളുടെ സാമീപ്യത്തിൽ, അവർ പരിശോധിച്ചതിനു ശേഷം...

വോട്ടണ്ണൽ വരെ ഇതെല്ലാം കേന്ദ്ര സേനയുടെ സായുധ കാവലിൽ ഒരു സ്ഥലത്ത് സുരക്ഷിതമായിരിക്കും, പാർട്ടി പ്രതിനിധികൾക്കും സുരക്ഷ പരിശോധിക്കാം.

എല്ലാവർക്കും രാഷ്ട്രീയമില്ലേ...അതിന്റകത്തു വെച്ചും ഇതിൽ വേറെ ഡാറ്റ കയറ്റിയാലോ ?

നാസയുടെ വരേ കമ്പ്യൂട്ടറുകൾ തിരുത്താറില്ലേ ?

ക്ലോസ് ബട്ടൺ അമർത്തിയാൽ പിന്നെ ഒരു കാരണവശാലും വേറെ ഡാറ്റകൾ കയറില്ലത്രേ, പിന്നെ കണ്ട്രോൾ യൂണിറ്റിലെ മൈക്രോ ചിപ്പിൽ അടങ്ങിയിട്ടുള്ള എമ്പഢഡ് സോഫ്റ്റ്വെയർ വൺ ടൈം പ്രോഗ്രാമബിൾ ബേസിസിലുള്ള ഒരു പ്രോഗ്രാമാണ്, അതു തിരുത്തുവാനോ, പകർത്തുവാനോ കഴിയില്ലാത്രേ, ഓവർ റൈറ്റു ചെയ്യാൻ ശ്രമിച്ചാൽ, അതു തനിയെ നശിക്കുന്ന രീതിയിലാണ് പണിതിരിക്കുന്നത്, പിന്നെ ഡാറ്റ കയറ്റണമെങ്കിൽ കേബിളിനുള്ള വഴികളും വേണ്ടേ.. അതെല്ലാം സീൽ ചെയ്തിരിക്കുകയല്ലേ... വോട്ടെണ്ണൽ ദിവസം അത് എല്ലാവരുടേയും സാമിപ്യത്തിൽ തുറക്കുന്നു, റിസൾറ്റ് ബട്ടൺ അമർത്തുന്നു, ഓരോരുത്തരുടേയും നമ്പറിനു നേരേയുള്ള വോട്ടുകൾ ഒന്നൊന്നായി തെളിയുന്നു. പ്രിന്റ് എന്ന ബട്ടണിൽ അമർത്തിയാൽ ഓരോ മെഷീനിലും ഘടിപ്പിച്ച പ്രിന്ററിൽ നിന്നും ഫലം പകർത്താം, ശേഷം എല്ലാ യന്ത്രത്തിൽനിന്നും മൊത്തം കൂട്ടി ഒടുക്കത്തെ ഫലം കിട്ടുന്നു.

അല്ല ഇതെല്ലാം ആദ്യം തന്നെ സെറ്റ് ചെയ്ത് പരിശോധന സമയത്ത് മറഞ്ഞിരിക്കുന്ന തരത്തിൽ ഒരു പാർട്ടി വൈറസ് ഇതിന്റകത്തേക്ക് എങ്ങനേങ്കിലും കയറ്റിയാലോ..?

അതിന്, മേൽ പറഞ്ഞതു പോലെ ഇതിൽ സ്ഥാനാർത്ഥികളുടെ പേരുണ്ടാവില്ല, പകരം അവരുടെ ക്രമനമ്പറിലാണ് വോട്ടുകളുടെ എണ്ണം സേവാകുന്നത്, ഈ ക്രമനമ്പർ പ്രോഗ്രാമിംഗ് സമയത്ത് ലഭ്യമാവില്ല, മൊത്തം സ്ഥാനാർത്ഥികളുടെ എണ്ണം മാത്രമേ അറിയുകയുള്ളൂ, ക്രമനമ്പറുകൾ പല ഓഫീസ് നടപടികളുടെ അടിസ്ഥാനത്തിലും മറ്റും ഏറ്റവും ഒടുവിൽ മാത്രം ക്രമപ്പെട്ടുവരുന്ന ഒന്നാണ്.

എന്നാലും.....

ഇനിയും സംശയമുണ്ടെങ്കിൽ അതു തീർക്കാൻ ഞാൻ പോളിടെക്നിക്കിലൊന്നും പഠിച്ചിട്ടില്ല, ഇതു വായിക്കുന്നവരിൽ വല്ല ഐ. ടി. പുലികളുമുണ്ടെങ്കിൽ തീർത്തു തരും.
നന്ദി
(ചിത്രങ്ങൾ പൊതു ജന താല്പര്യാർത്ഥം നോക്കിയ മൊബൈൽ ക്യാമറയിൽ പകർത്തിയത്)

പറന്ന് പറന്ന് പറന്ന്...

2011-04-05T04:43:00.000-07:00

ഈ അപ്പൂപ്പൻ താടികൾക്കെന്തു സുഖമാണ്, ഒന്നുമറിയേണ്ട ഒരു തീരുമാനവുമെടുക്കേണ്ട …വെറുതെയങ്ങു പറന്നാൽ മാത്രം മതി..!

വീടുകളിൽ സുരക്ഷിതമായ ഒരു കുട്ടിക്കാലം ഇവർക്കുമുണ്ട്…

കൌമാരം പുതിയൊരു ലോകം മുന്നിൽ തുറക്കുന്നു…

പുതിയ ലോകത്തിന്റെ പ്രകാശം അവരെ വിളിക്കുന്നു….

അപ്പൂപ്പന്റെ മീശയും താടിയും…

ജന്മ നിയോഗങ്ങൾ കാറ്റായി വന്ന് അവരെ പ്രലോഭിപ്പിക്കുന്നു…

ഒരിക്കൽ എല്ലാവരും വീടുവിട്ടിറങ്ങുക തന്നെ വേണം

മാറ്റങ്ങൾക്കു എല്ലാവരും തയ്യാറായിരിക്കേണ്ടതുണ്ട്….

ഇവിടെ മുതൽ നിന്റെ യാത്ര തനിച്ചാണ് …

ഇത് പുതിയ പ്രഭാതം… ഇതാ ഈ ഒരു നിമിഷമാണ് ജീവിതത്തിലെ ഏറ്റവും പ്രധാനപ്പെട്ടത്…

ഇത് പുതിയ ലോകം…

പ്രപഞ്ചത്തിലെ ഓരോ സൃഷ്ടിക്കും നിറവേറ്റുവാനായി അതിന്റേതായൊരു ദൌത്യമുണ്ട്…

പുതിയ കാഴ്ചകൾ… നിന്റെ വിധിയുള്ളിടത്തു തന്നെയാണ് നിന്റെ ഹൃദയവും…

എല്ലാവർക്കുമൊരു നിയോഗമുണ്ട്, തുടർച്ചയായ യാത്രകളായിരിക്കാം ഇവർക്കു വിധിച്ചിരിക്കുന്നത്…

ഈ പ്രപഞ്ചത്തിലെ ഓരോ ജീവിയും, ആരോ എന്തോ ആയിക്കൊള്ളട്ടെ, ഈ ലോകത്തിന്റെ ചരിത്രത്തിൽ അതിന്റേതായൊരു പങ്കു വഹിക്കുന്നുണ്ട്, പക്ഷെ അതിനെക്കുറിച്ച് അത് ബോധവാനല്ല എന്നു മാത്രം

വിധി നിർണ്ണയിച്ച ലക്ഷ്യത്തിലേക്കുള്ള യാത്രയുടെ അവസാനം..

ഈ ലോകത്തിലെ സർവ്വ ചരാചരങ്ങൾക്കും അതിന്റേതായ ആത്മാവുണ്ട്.

ഈ വിത്തിനുള്ളിലും ഒരു മരം ജീവിക്കുന്നു…

ജീവിതത്തിലെ ലളിതമായ കാര്യങ്ങളായിരിക്കും പലപ്പോഴും ഏറ്റവും അസാധാരണമായിത്തീരുക,ബുദ്ധിയുള്ളവർക്കേ അതു മനസ്സിലാക്കാൻ കഴിയൂ…എനിക്കതില്ല…

ഓരോ ജീവിതവുമുൾക്കൊള്ളുന്ന നിഗൂഢമായ ദൌത്യങ്ങൾ…

ജീവിതയാത്രയിൽ ഏതോ വഴിത്തിരുവിൽ ഓരോരുത്തർക്കും അവനവന്റെ മേലുള്ള നിയന്ത്രണം നഷ്ടപ്പെടുന്നു, പിന്നെയൊക്കെ വിധിയുടെ കൈപ്പിടിയിൽ ഇതാണു പ്രപഞ്ചത്തിലെ ഏറ്റവും വലിയ മിഥ്യ.

സഫലമാക്കാൻ തക്കവണ്ണമുള്ളൊരു സ്വപ്നം മനസ്സിലുണ്ടെങ്കിലേ ജീവിതം അർത്ഥപൂർണ്ണമാകൂ.

അവധിക്കാലം

2011-03-28T08:03:00.000-07:00

അവധിക്കാലത്തിനു സ്വാഗതം

ഗുളികൻ തെയ്യം

2011-03-21T06:08:00.000-07:00

ഗുളികൻ, മുത്തപ്പന്റെ ഇടതു പെരുവിരലിൽ നിന്നുത്ഭവിച്ചവൻ...

ആകാശത്തോളം ഉയരവും...

ഭൂമിയോളം വീതിയുമുള്ളവൻ...

നാടൊട്ടുക്ക് മരണം വിതയ്ക്കുന്നവൻ....

ദേശം മുടിക്കുന്ന വ്യാധികളിൽ നിന്ന് നിസ്സഹായനായ മനുഷ്യനെ രക്ഷിക്കാൻ....

മരണദേവനെ പ്രീതിപ്പെടുത്താൻ...

ഗുളികന്റെ തെയ്യം കെട്ടിയാടുന്നു...

കവുങ്ങോളം കൈകളും...

തെങ്ങോളം കാലുകളുമുള്ള ഗുളികൻ...

തീയിലൊടുങ്ങിയ ജീവിതങ്ങൾ ഗുളികനുള്ള ബലി...

മരണത്തിന്റെ നിലക്കാത്ത ആട്ടം...!

കണ്ണൂർ സുനിലും സംഘവും കെട്ടിയാടിയ ഗുളികൻ തെയ്യത്തിൽ നിന്ന്.

ഓർമ്മകൾക്ക് തീപിടിക്കുമ്പോൾ....

2011-03-18T00:47:00.000-07:00

ഓർമ്മകൾക്ക് തീപിടിക്കുമ്പോൾ ഒരാളുടെ മുഖം എങ്ങനെയായിരിക്കും, ജനിച്ചു വളർന്നവീട് ഷെല്ലാക്രമണത്തിൽ കത്തിയെരിയുന്നത് ഓർത്തെടുക്കുമ്പോൾ , ബന്ധുക്കൾകണ്മുന്നിൽ കൊല്ലപ്പെട്ടത് ഓർത്തെടുക്കുമ്പോൾ, ഒരു ജനത വേട്ടയാടപ്പെട്ടത്ഓർത്തെടുക്കുമ്പോൾ ഒരാളുടെ മുഖം എങ്ങനെയായിരിക്കും. സൊമീത്തരന്റെ മുഖംഅപ്പോൾ അങ്ങനെയായിരുന്നു. ഒരിടനാഴിയിലെ ഇരുട്ടിൽ വെച്ച് അദ്ദേഹത്തെകണ്ടുമുട്ടുന്നതു വരെ ഒട്ടും കരുതിയില്ല, വെറും മുപ്പത് വയസ്സ് മാത്രം പ്രായമുള്ള ഒരുചെറുപ്പക്കാരനാണ് ഇന്ന് ശ്രീലങ്കൻ സർക്കാരിനെ വിറളി പിടിപ്പിക്കുന്ന ശ്രീമാൻസൊമീത്തരൻ എന്ന് ! മിന്നി കത്തുന്ന ടങ്സ്റ്റൺ വിളക്കിന്റെ ചുവട്ടിൽ നിന്ന് സൊമീ ആഅനുഭവങ്ങൾ പറഞ്ഞു. ഒരു ഹാൻഡി ക്യാം ക്യാമറയുമായി മുല്ലത്തീവിലെ നരഹത്യകൾപകർത്തിയ കഥകൾ.

ശ്രീലങ്കയിലെ തമിഴരുടെ സാംസ്കാരിക കേന്ദ്രമായിരുന്ന ജാഫ്ന ലൈബ്രറി സൈന്യംആക്രമിച്ചു നശിപ്പിച്ചതിനെക്കുറിച്ചെടുത്ത ബേണിംഗ് മെമ്മറീസ് എന്നഡോക്യുമെന്ററിയാണ് സൊമീത്തരന്റെ ആദ്യ ചിത്രം. ശേഷം ഏതാണ്ട് ഒരു വർഷം മുമ്പ്മുല്ലത്തീവ് സാഗ എന്ന രണ്ടാമത്തെ ഡോക്യുമെന്ററി പുറത്തിറക്കി. എൽ.ടി.ടി.ഇ യെതുരത്താൻ നടത്തിയ സൈനിക നീക്കത്തിന്റെ മറവിൽ ശ്രീലങ്കൻ സർക്കാർ /സൈന്യം ലങ്കൻ തമിഴരെ കൊന്നൊടുക്കിയ കഥയാണ് മുല്ലത്തീവ് സാഗ. മുല്ലത്തീവ്എന്ന സുന്ദരഗ്രാമത്തെ എങ്ങനെ ചുടലക്കളമാക്കി മാറ്റി എന്നതിന്റെ ദൃശ്യ വിവരണമാണ്ആ ഡോക്യുമെന്ററി. സാധാരണക്കാരായ ഒരു ലക്ഷത്തിലധികം തമിഴർകൊല്ലപ്പെട്ടെന്നാണു അനൌദ്യോഗിക കണക്കുകൾ. പൊട്ടിത്തെറിക്കുന്നഷെല്ലുകൾക്കിടയിലൂടെ പായുന്ന ഒരു ജനതയുടെ ദൃശ്യങ്ങൾ, ഓടി രക്ഷപ്പെടാൻ ആരോവിളിച്ചു പറയുമ്പോൾ എങ്ങോട്ട് ഓടാൻ എന്നു അലറി വിളിച്ചു ചോദിക്കുന്നകുഞ്ഞുങ്ങളുടെ ദൃശ്യങ്ങൾ, കുടുംബാംഗങ്ങളുടെ ചിതറിയ ശരീരങ്ങൾ ചാക്കിലേക്കുവാരിയിടുന്ന വൃദ്ധന്റെ വികാരരഹിതമായ മുഖം, തകർന്ന തെരുവുകളുടെ എക്സ്ട്രീംലോംങ് ഷോട്ട്, ചിതറിക്കിടക്കുന്ന ശരീരഭാഗങ്ങളുടെ മിഡ് ക്ലോസ് ഷോട്ട്, തകർന്നതലയോട്ടികളുടെ ക്ലോസ് അപ്പ്, അതിൽ മിക്കവരേയും വ്യക്തിപരമായി അറിയാംഎന്നുള്ളിടത്താണ് ആ ചിത്രീകരണം സൊമീത്തരന് തീപിടിക്കുന്ന ഓർമ്മകളായിമാറുന്നത്.

ഓരോ അഞ്ഞൂറു മീറ്ററിലും ശക്തമായ ശരീര പരിശോധനയുള്ള ഒരു സ്ഥലത്തുനിന്നുമാണ്ഈ വിഷ്വലുകൾ പകർത്തി കടത്തി മറുകരയിലെത്തിച്ചത് . യുദ്ധം അതിന്റെഅവസാനത്തിലെത്തിയപ്പോൾ ദൃശ്യങ്ങൾ പകർത്തിയത് ഒരു ഫോട്ടോഗ്രാഫർസുഹൃത്തായിരുന്നത്രേ, പിടിക്കപ്പെടുമെന്ന ഘട്ടത്തിൽ വിഷ്വലുകളടങ്ങിയമെമ്മറികാർഡ് അടുത്തു കണ്ട ഒരു തമിഴനു കൊടുത്തു, അയാൾ അടുത്തയാൾക്ക്കൈമാറി, ഒടുക്കം അന്താരാഷ്ട്ര വൈദ്യ സംഘത്തിന്റെ കയ്യിലെത്തി അവർ ഇന്ത്യയിൽവന്നപ്പോൾ സൊമീയ്ക്കു കൈമാറി. ആ സുഹൃത്ത് ഇപ്പോൾ ജീവനോടെ ഉണ്ടാകുമോ എന്നുപോലും അറിയില്ല ! ഓരോ വിഷ്വലിനു പിന്നിലും ഇതുപോലെ ഓരോ കഥയുണ്ടാകും.ഹിന്ദി സിനിമാ സംവിധായകനായി, റിസേർച്ചറായി, പല വേഷങ്ങളിലായായിരുന്നത്രേഅദ്ദേഹത്തിന്റെ യാത്ര. ഇനി അങ്ങനെ നടപ്പില്ല, കാരണം അവർ ബ്ലാക് ലിസ്റ്റിൽപെടുത്തിക്കഴിഞ്ഞു, ഇനി ലങ്കയിൽ കാലുകുത്തിയാൽ ഒരു തിരിച്ചു വരവുണ്ടാകില്ല,അപ്രിയ സത്യമെഴുതുന്ന പല പത്ര പ്രവർത്തകർക്കും സംഭവിച്ച പോലെ അൺഐഡന്റിഫൈഡ് അക്രമിയുടെ വെടിയേറ്റ് കൊല്ലപ്പെട്ടു എന്ന സർക്കാർ ഭാഷ്യത്തിൽതന്റെ ജീവിതം അവസാനിച്ചേക്കാം, അതു പറയുമ്പോൾ സൊമീ ചിരിക്കുന്നു, ഇന്ത്യയിലെവിസാ കാലാവധി ഈ ജൂലൈയിൽ അവസാനിക്കും എന്നിരിക്കെ ആ നനഞ്ഞ ചിരിക്ക്ഒരു പാട് അർത്ഥങ്ങളുണ്ട്.

ഡൊക്യുമെന്ററിയുടെ അവസാനത്തിലെത്തുമ്പോൾ മുള്ളുവേലി വൾച്ചു കെട്ടിയ ഒരുമൈതാനത്തിനുള്ളിൽ രണ്ടരലക്ഷത്തിലധികം അഭയാർത്ഥികളെ കുത്തിനിറച്ചിരുന്നു.ഇപ്പോഴത് എൺപതിനായിരം ആയി കുറഞ്ഞിട്ടുണ്ടത്രേ, ശ്രീലങ്കൻ പട്ടാളത്തിന്റെതേർവാഴ്ചയാണ് ആ ക്യാമ്പിൽ, ആരുണ്ട് ചോദിക്കാൻ !

അന്താരാഷ്ട്ര ഏജൻസികളുടെ അന്വേഷണങ്ങളൊന്നും ഞാനിവിടെഇരിക്കുന്നിടത്തോളം അനുവദിക്കില്ലെന്ന് ലങ്കൻ ഡിഫൻസ് സെക്രട്ടറി ധിക്കാരത്തോടെപറഞ്ഞു വെയ്ക്കുന്നതും കാണിക്കുന്നു. ശ്രീ രാജപക്സേയുടെ സഹോദരനാണ് ആഓഫീസർ ! മുല്ലത്തീവുകാരുടെ ഇഷ്ട കഥാപാത്രമായിരുന്നത്രേ കണ്ണകി, നീതിനിഷേധിക്കപ്പെട്ട കണ്ണകിമാരുടെ അലറിക്കരച്ചിലിൽ ഡോക്യുമെന്ററി അവസാനിക്കുന്നു.

പലയിടത്തും ഈ ഡോക്യുമെന്ററി പ്രദർശിപ്പിച്ചിട്ടുണ്ട്, തിരുവനന്തപുരത്ത്പ്രദർശിപ്പിച്ചതിന്റെ അടുത്ത ദിവസം ഒരു മുഖ്യധാരാ പത്രത്തിൽ, ഈ ചെറുപ്പക്കാരൻഎൽ.ടി.ടി.ഇ യെ പുന: സംഘടിപ്പിക്കാൻ കേരളത്തിൽ ശ്രമം നടത്തുന്നു വെന്ന് പറഞ്ഞ്ആദ്യ പേജിൽ ചിത്രസഹിതം വാർത്ത വന്നു. അവർ എന്നേയും എൽ.ടി.ടി.ഇക്കാരനാക്കി എന്നു പറയുമ്പോൾ വീണ്ടും അതേ ചിരി. ലോകത്തിന്റെ പലഭാഗത്തുംഫിലിം ഫെസ്റ്റിവലുകളിൽ ഇതു പ്രദർശിപ്പിച്ചിട്ടുണ്ടെങ്കിലും കേരളത്തിൽ നിന്നുമാത്രമാണ് അത്തരം അനുഭവം ഉണ്ടായതെന്നു പറയുന്നു.

ചെന്നൈയിലെ ലയോള കോളേജിൽ നിന്നും മാസ്കോം പഠിച്ച സൊമീത്തരൻ, നോർത്ത്ഇസ്റ്റേൺ ഹെറാൾഡ്, ബി.ബി.സി എന്നീ അന്താരാഷ്ട്ര മാധ്യമങ്ങൾക്കുവേണ്ടി ജോലിചെയ്തിട്ടുണ്ട്.

ശ്രീ രാജപക്സേയും അദ്ദേഹത്തിന്റെ അടുത്ത ബന്ധുക്കളും ശ്രീലങ്കൻഭരണത്തിലെത്തിയതിനു ശേഷം അപ്രത്യക്ഷരായ പത്രപ്രവർത്തകരെക്കുറിച്ചുള്ളഡോക്യുമെന്ററിയുടെ പണിപ്പുരയിലാണ് സൊമീ ഇപ്പോൾ. ഇപ്പോൾ ഞാനാണ്ശ്രീലങ്കയിലെ ഏക ഡോക്യെമെന്ററി ഫിലിം മേക്കർ, ഒരു അൺ ഐഡന്റിഫൈഡ്അക്രമി എന്നെ കാണുന്നതു വരെ മാത്രം, സൊമീത്തരൻ ആ നനഞ്ഞ ചിരിയോടെപറഞ്ഞവസാനിപ്പിക്കുന്നു.

യാത്രപറഞ്ഞ് ഇരുട്ടിലേക്കിറങ്ങി നടക്കുമ്പോൾ യുദ്ധത്തിന്റെ ഭീകരതയേക്കാൾ, നമ്മുടെഅയൽപക്കത്തു നടക്കുന്നതുപോലും എത്രപേർ തിരിച്ചറിയുന്നുണ്ടെന്ന ചോദ്യമാണുയർന്നുവന്നത്.

പൊങ്ങച്ചം

2011-02-06T10:10:00.000-08:00

പ്രിയ സുഹൃത്തുക്കളെ,

കേരള ലളിത കലാ അക്കാദമിയുടെ ഈ വർഷത്തെ കലാ പുരസ്കാരങ്ങളിൽ ഫോട്ടോഗ്രാഫി വിഭാഗത്തിൽ ഫൈസൽ മുഹമ്മദ് എന്ന ഈയുള്ളവന് അവാർഡ് ലഭിച്ച വിവരം സന്തോഷപൂർവ്വം പങ്കുവെയ്ക്കട്ടെ.

ബ്ലോഗ് എന്ന മാധ്യമത്തിന് വേണ്ടി മാത്രമാണ് കഴിഞ്ഞ ഒരു വർഷമായി ഞാൻ ഫോട്ടോഗ്രാഫുകൾ പകർത്തുന്നത്, അതു തുടരുന്നതിന്റെ കാരണം നിങ്ങളുടെ കമന്റുകളടക്കമുള്ള സഹകരണമാണ്. നിങ്ങളുടെ കമന്റുകൾ എന്നെ ഒരു പുരസ്കാരത്തിലേക്കെത്തിച്ചു എന്നു പറയുന്നതിൽ എനിക്ക് അങ്ങേയറ്റത്തെ സന്തോഷമുണ്ട്. ഈ ബ്ലോഗ് സന്ദർശിച്ച എല്ലാവരേയും ഈ അവസരത്തിൽ ഞാൻ നന്ദിയോടെ സ്മരിക്കുന്നു. ഫെബ്രുവരി 13 ന് 12.00 മണിക്ക് എറണാംകുളം ദർബാർ ഹാളിൽ നടക്കുന്ന ചടങ്ങിൽ ബഹു. സാംസ്കാരിക വകുപ്പു മന്ത്രി. എം.എ. ബേബി പുരസ്കാരം വിതരണം ചെയ്യും, പ്രസ്തുത ചടങ്ങിലേക്ക് എല്ലാ സുഹൃത്തുക്കൾക്കും സ്വാഗതം.

അവാർഡു ലഭിച്ച ചിത്രം ഇവിടെ.

അതിന്റെ ഫോട്ടോ ഫീച്ചർ ഇവിടെ.

സഹകരണം തുടർന്നും പ്രതീക്ഷിച്ച്,

സ്വന്തം പാച്ചു.

ദില്ലീ ദിവാനീ - 2

2011-01-28T08:44:00.000-08:00

ദില്ലി കാഴ്ചകൾ തുടരുന്നു

പറാത്താ വാലാ
ദില്ലിയിലെ ചില രുചിക്കാഴ്ചകൾ
ഇത് പറാത്താ വാലീ ഗലി...

പഴയ ദില്ലിയിലെ ചാന്ദിനീ ചൌക്കിനു മദ്ധ്യത്തിലുള്ള ഇടുങ്ങിയതും തിരക്കുള്ളതുമായ ഒരു ഗലി

ഗലിയ്ക്കു വശങ്ങളിൽ തട്ടുകട നടത്തുന്ന ഈ കൂട്ടരാണ് പറാത്താ വാലകൾ

ഈ പറാത്താ കച്ചവടക്കാർ ചില്ലറക്കാരല്ല...ജവഹർലാൽ നെഹൃ, ഇന്ദിരാ ഗാന്ധി മുതൽ അക്ഷയ് കുമാർ വരെയുള്ളവർ ഇവിടുത്തെ സ്ഥിരം പറ്റുകാർ ആയിരുന്നത്രേ..!

ആ മീഠീ ലസ്സി കഴിച്ചാൽ ആരായാലും ഇവരുടെ സ്ഥിരം കുറ്റിയാകും ! നൂറോളം വ്യത്യസ്ത പറാത്തകൾ ഈ ശുദ്ധ വെജിറ്റേറിയൻ കടകളിലുണ്ട് !

അവിടെ നിന്നു കുറച്ചു മാറി മറ്റൊരു പ്രശസ്ത ഭക്ഷണ ശാലയാണ് കരീം ഹോട്ടൽ, മുഗൾ ചക്രവർത്തിമാരുടെ ആസ്ഥാന പാചകക്കാരുടെ കുടുംബം വഹ !
ജമാ മസ്ജിദിനു സമീപമുള്ള റോഡിൽ നിന്ന് കെട്ടിടങ്ങൾക്കിടയിലൂടെ ഇരുൾ നിറഞ്ഞ ഇടുങ്ങിയ വഴി കടന്നെത്തിയാൽ...

അറബിക്കഥയിലെ ഏതോ തെരുവിലെത്തിയതു പോലെ തോന്നും, നാലുപാടും മുകളിലും കരീംസ് ഹോട്ടൽ !, വിദേശികളടക്കമുള്ളവർ സീറ്റൊഴിയുന്നതും കാത്ത് ക്യൂ നിൽക്കുന്നതു കാണാം,

തലമുറകൾ കൈമാറി ശ്രീ. സഹീമുദ്ദീന്റെ കൈകളിലാണ് ഇപ്പോൾ കരീംസിലെ മുഗളായ് സ്വാദ്.
ഏഷ്യയിലെ മികച്ച റെസ്റ്റോറണ്ടുകളിലൊന്നായി ടൈംസ് മാഗസിൻ ഇവരെ തെരഞ്ഞെടുത്തിട്ടുണ്ട്.

കൊടികുത്തിയ പാചകക്കാർ മാത്രമല്ല, ആരോരു മറിയാതെ ദില്ലിയെ ഊട്ടുന്നവരുമുണ്ട്.
ഇത് പാവങ്ങളുടെ കരീംസ്

ജമാ മസ്ജിദിനോട് ചേർന്ന് ബിരിയാണി തൂക്കി വിൽക്കുന്നവർ,
(സ്വന്തം ഉത്തരവാദിത്തത്തിൽ മാത്രം കഴിക്കുക)

ഏതു പാതി രാത്രിയിലും ഏതു മൂലയിലും കിട്ടുന്ന പാനിപൂരി

ഫുഡ് പാത്ത് പാവു ഭാജി

കളർഫുൾ നാരങ്ങ സോഡാ (ങ്ങള് സോഡാ കുടിച്ചോ, പക്ഷേങ്കില് ഗോട്ട് എടുക്കാൻ നോക്കല്ലേ !)

നാരങ്ങാ വെള്ളം (വിത്തൌട്ട് സോഡാ !)

ശൂട് കപ്പലണ്ട്യേയ്....കടലാസിൽ പൊതിഞ്ഞ മസാല ചോദിച്ചു വാങ്ങുക.
ആ കലത്തിൽ കനലിട്ടാ‍ണ് ചൂടാക്കുന്നത്

ബീഫ് കരൾ ടിക്ക

പഴയ ദില്ലിയിൽ എവിടേയും ടിക്ക തയ്യാറാക്കുന്നവരെ കാണാം.

തുടരും...

ദില്ലി ദിവാനീ - 1

2011-01-23T02:40:00.001-08:00

രാജ വീഥി

“ദില്ലി, ചർക്കയിൽ നോറ്റെടുത്ത ഖദർ കൊണ്ട് കോട്ടും കോണകവും പാളത്താറും തൊപ്പിയും ധരിക്കുന്ന പഴയ ദരിദ്രവാസി രാഷ്ട്രീയക്കാരുടെ ദില്ലിയല്ല , അവരെ അപ്പാടെ പടിയടച്ച് പിണ്ഡം വെച്ച് ഹൈടെക്കിലും ബ്ലൂചിപ്പിലും കമ്പ്യൂട്ടറിലും ബ്രൈയിൽ ബാങ്കുകളിലുമെല്ലാം രാഷ്ട്രീയ സമസ്യകൾക്കുത്തരം കണ്ടെത്തുന്ന പുതിയ ദില്ലി, കോടികൾക്കൊണ്ട് അമ്മാനമാടുന്ന സമൃദ്ധയായ ഡെൽഹി“...

കരിമ്പൂച്ചകളുടെ അകമ്പടിയിൽ നിരനിരയായി വരുന്ന വെള്ള അംബാസിഡർ കാറുകളിൽ നിന്ന്...

എസ്.പി.ജികൾ നിയന്ത്രിക്കുന്ന ബുള്ളറ്റ് പ്രൂഫ് ബി.എം.ഡബ്ലു കാറുകളിലേക്ക് അധികാരയാത്രകൾ പറിച്ചു നടപ്പെട്ട ദില്ലിയിലെ ചില കാഴ്ചകൾ

അധികാരത്തിന്റെ വീഥി ഇവിടെയാണ്,

ഡൽഹിയിലെ രാജ് പഥ്. രാജവീഥി !

ഭാരത രാഷ്ട്രപതിയുടെ ഔദ്യോഗിക വസതി ഇവിടെയാണ്

രാഷ്ട്രപതി ഭവനു മുമ്പിൽ നിന്നുള്ള രാജ് പഥിന്റെ ദൃശ്യം

രാജ് പഥിന്റെ നല്ലൊരു ദൃശ്യം ഇവിടെ നിന്നാൽ കിട്ടും

പാർലമെന്റും, പ്രതിരോധം ധനകാര്യം അടക്കമുള്ള സുപ്രധാന വകുപ്പുകളുടെ ആസ്ഥാനങ്ങളും ഈ പാതയോടു ചേർന്നാണ് സ്ഥിതി ചെയ്യുന്നത്.

യന്ത്രത്തോക്കുകൾ കാവൽ നിൽക്കുന്ന ഈ വീഥിയിലൂടെയാണ് റിപ്പബ്ലിക് ദിനത്തിൽ സേനകൾ കവാത്തു നടത്താറ്

ഒന്നാം ലോകമഹായുദ്ധത്തിലും മൂന്നാം ആഗ്ലോ അഫ്ഗാൻ യുദ്ധത്തിലും ബ്രിട്ടീഷ് ഇന്ത്യയ്ക്കു വേണ്ടി കൊല്ലപ്പെട്ട സൈനികരുടെ ഓർമ്മയ്ക്കായി ബ്രിട്ടീഷുകാരാണ് അഖിലേന്ത്യാ യുദ്ധ സ്മാരകം എന്ന നിലയ്ക്ക് ഇന്ത്യാ ഗേറ്റ് പണിതത്

ഇന്ത്യാഗേറ്റിലെ അമർജവാൻ ജ്യോതിയിൽ ഓർമ്മപ്പൂക്കളർപ്പിച്ചാണ് റിപ്പബ്ലിക് ദിനാഘോഷങ്ങൾ എല്ലാ വർഷവും ആരംഭിക്കാറ്

പോരാടുന്നവരും രക്തസാക്ഷികളായവരുമായ ധീരജവാന്മാരുടെ ഓർമ്മകൾക്കു മുന്നിൽ പാച്ചു & ടീംസിന്റെ പ്രണാമം

മുകളിൽ പറഞ്ഞ യുദ്ധങ്ങളിൽ രക്തസാക്ഷികളായവരുടെ പേരുകൾ ഗേറ്റിന്റെ ചുമരിൽ കൊത്തി വെച്ചിട്ടുണ്ട്

രാജ് പഥിൽ നിന്നും ആരംഭിക്കുന്ന സേനാ പരേഡ് ചെങ്കോട്ടയിലാണ് അവസാനിക്കുക.

അവസാനമില്ലാത്ത അധികാര യുദ്ധത്തിന് വേദിയായ ചെങ്കോട്ടയിൽ !

തുടരും...

നെല്ലിയമ്പതിയിൽ ഒരവധിക്കാലത്ത്

2011-01-07T10:09:00.000-08:00

നെല്ലിയാമ്പതിയിൽ നിന്നൊരു ദൃശ്യം

കുതിരാൻ - N.H.47 ലെ ബർമുഡ ട്രയാങ്കിൾ

2011-01-04T07:37:00.000-08:00

അറ്റ്ലാന്റിക് മഹാ സമുദ്രത്തിലെ കുപ്രസിദ്ധ ബർമുഡ ട്രയാങ്കിൾ പോലെ, ദേശീയ പാത 47 ലും ഒരു നിഗൂഢ മേഖലയുണ്ട്, തൃശൂർ ജില്ലയിൽ വടക്കുഞ്ചേരിക്കു സമീപത്തുള്ള കുതിരാൻ ചുരം, പ്രത്യേകിച്ച് അതിലെ ഇരുമ്പുപാലം കഴിഞ്ഞുള്ള തിരിവ്. ബർമുഢ ട്രയാങ്കിൾ ഒന്നും അവശേഷിപ്പിക്കുന്നില്ലെങ്കിൽ ഇവിടെ നിന്നും പലതും തിരിച്ചു കിട്ടുന്നുണ്ട്, ചിലപ്പോൾ ജീവനില്ലാത്ത ശരീരങ്ങൾ, അല്ലെങ്കിൽ പാതി അവശേഷിപ്പിച്ചവ.

നെടുമ്പാശ്ശേരി വിമാനത്താവളത്തിന്റെയും കൊച്ചി തുറമുഖത്തിന്റെയും പ്രധാന രക്തവാഹിനി ധമനികളിലൊന്നായ ഈ ദേശീയ പാതയിലൂടെ ദിവസവും എണ്ണായിരത്തിലധികം ലോറികൾ കോയമ്പത്തൂരിലേക്ക് പോകുന്നുണ്ടെന്നാണ് കണക്ക് !!! സേലം, കോയമ്പത്തൂര് നിന്നും തൃശൂർ, കൊച്ചി വഴി തിരുവനന്തപുരം കടന്നു പോകുന്ന അറുനൂറ്റമ്പത് കിലോമീറ്ററിലധികം ദൈർഘ്യമുള്ള ഈ പാതയിൽ, ഡ്രൈവർമാർ പേടിക്കുന്ന ഒരു ഭാഗം, അത് കുതിരാൻ ആകും ! അവിടെ ആ വളവിൽ അവരുടെ കാലുകളിൽ നിന്ന് വണ്ടി വഴുതി പോകുന്നതു പോലെ തോന്നുമത്രേ !! രാത്രികളിലാണ് കണ്ടാൽ ഭയം തോന്നുന്ന വമ്പൻ കണ്ടൈനർ ലോറികൾ കുതിരാൻ കടന്നു പോകാറ്. കുതിരാൻ കടന്ന് വടക്കുഞ്ചേരിയിലെത്തിയാൽ ഡ്രൈവർമാർ വീട്ടിലേക്കു വിളിച്ച് ആശ്വാസത്തോടെ പറയുന്നു ‘കുതിരാൻ താണ്ടി‘, മലമ്പുഴയിലേക്കു ടൂറു പോയ വിദ്യാർത്ഥികളോട് വീട്ടിൽ നിന്ന് അമ്മമാർ വിളിച്ചു ചോദിക്കുന്നു കുതിരാൻ കടന്നോ ?.

ദേശീയ പാത വരുന്നതിനു മുമ്പേ യാത്രക്കാരുടെ പേടി സ്വപ്നമായിരുന്നു ആ ഭാഗം, മുപ്പതോളം വർഷങ്ങൾക്കു മുമ്പെ, ഒന്നു തെറ്റിയാൽ നരകത്തിലെത്തുന്ന തരത്തിൽ അപകടം പിടിച്ച ഇടുങ്ങിയ പാതയായിരുന്നു അവിടെ ഉണ്ടായിരുന്നതെന്ന് പഴമക്കാർ ഓർക്കുന്നു. ദേശീയ പാത വന്നപ്പോഴും കഥകൾക്കു വലിയ മാറ്റമില്ല. ഒരപകടം ഏതാണ്ടെല്ലാ ദിവസവും കുതിരാൻ ചുരത്തിലൂടെ ചൂളമടിച്ചു വീശുന്നു. ഇന്നത്തെ പേര് തന്റേതാകരുതേ എന്ന് ഓരോ ഡ്രൈവറും കുതിരാനിലെ ശ്രീ ധർമ്മ ശാസ്താ ക്ഷേത്രത്തിൽ കാണിക്കയിട്ടു പ്രാർത്ഥിക്കുന്നു. ഓരോ പുലർച്ചയിലും പുതിയതായി പ്രത്യക്ഷപ്പെടുന്ന മുഖം ചുളിഞ്ഞ വാഹനങ്ങൾ അവരുടെ നെഞ്ചിടിപ്പ് കൂട്ടുന്നു.

ഈ ഭാഗത്തെ അപകടങ്ങളുടെ ഒന്നാമത്തെ കാരണം ഈ റോഡിന്റെ തകർന്ന അവസ്ഥ തന്നെയാണ്, അതിന്റെ കൂടെ മേൽ പറഞ്ഞ വളവിലുള്ള അശാസ്ത്രീയമായ ചെരിവ് കൂടിയാകുമ്പോൾ അപകട സാധ്യത പ്രവചനാതീതമാകുന്നു. ചുരവും ചെരിവും ഗട്ടറും വിധവകളെ സൃഷ്ടിച്ചു കൊണ്ടേയിരിക്കുന്നു. അതിനാൽ ഇരുമ്പുപാലത്തിനു സമീപം സ്ഥാപിച്ചിട്ടുള്ള ആ തലയോട്ടി ചിഹ്നം മറ്റേതു സൂചനാ ബോർഡിനേക്കാളും യാത്രക്കാരെ അസ്വസ്ഥരാക്കുകയും ചെയ്യുന്നു.

അർദ്ധരാത്രിയിൽ ആറു മണിക്കൂറിലധികം കുതിരാനിലെ കാനനപാതയിൽ കുടുങ്ങിപ്പോയ ഒരു യാത്ര അടുത്തുണ്ടായി, അമ്പതു ടണ്ണിലധികം ഭാരമുള്ള ഒരു സിമന്റു കണ്ടൈനർ ഇരുമ്പു പാലത്തിനു സമീപം മറിഞ്ഞു. യാത്ര തുടരാനോ മടങ്ങാനോ കഴിയാതെ സമയത്തെ പഴിച്ചപ്പോൾ സഹയാത്രിക പറഞ്ഞത് - ഈ രാത്രി കഴിഞ്ഞാലും നമ്മൾക്കൊരു ജീവിതമുണ്ടാകും, ആ ടാങ്കറിനടിയിൽ കുടുങ്ങിക്കിടക്കുന്നവർക്കോ? അവർക്ക് ഈ രാത്രിക്കു ശേഷം ഇനിയൊരു ജീവിതമേ ഉണ്ടാകില്ലല്ലോ ?

അപകടത്തിന്റെ ചില ദൃശ്യങ്ങൾ ഇതോടൊപ്പം പോസ്റ്റുന്നു, അപകടത്തിൽ കൊല്ലപ്പെട്ടയാളുടെ മൃതശരീരത്തിന്റെ ചിത്രങ്ങളും അടങ്ങിയിരിക്കുന്നു. കാണാൻ തയ്യാറുള്ളവർ മാത്രം ഇതു വഴി വരാം.

കുതിരാനിൽ പൊലിഞ്ഞവർക്ക് നിത്യശാന്തി നേർന്നു കൊണ്ട്....

ആർട്ടിസ്റ്റ്

2011-01-03T07:29:00.000-08:00

ശില്പികൾ

2010-12-22T06:42:00.000-08:00

തൃശൂർ ജില്ലയിലെ കുന്നംകുളം - ഗുരുവായൂർ റോഡിൽ ആർത്താറ്റു പള്ളിക്കു സമീപം കുറുക്കൻ പാറ എന്നൊരു സ്ഥലമുണ്ട്

പേരു പോലെ പാറകളുള്ള ഒരു പ്രദേശം, ഇവിടെയുള്ള ഓല ഷെഡുകളിലിരുന്ന്..

ചില പ്രശസ്തരല്ലാത്ത ശില്പികൾ ഇവിടെയെത്തുന്ന നീളൻ കല്ലുകളിൽ നിന്ന്...

ജനതയുടെ ജീവിതങ്ങളെ സ്വാധീനിക്കുന്ന ദൈവങ്ങളെ വരെ സൃഷ്ടിക്കുന്നു

വിശ്വാസങ്ങളിലധിഷ്ഠിതമായ കണക്കുകൾ അളന്ന്...

കാവി നിറത്തിൽ അടയാളങ്ങളിടുന്നു...

കാലം കല്ലു ചെത്തിന്റെ കോലവും മാറ്റി, കട്ടറുകളാണിപ്പോൾ കാര്യക്കാർ...

നിര നിരയായി കട്ടു ചെയ്തത് എളുപ്പത്തിൽ അടർത്തിയെടുക്കുന്ന ജോലിയെ ഇപ്പോൾ പഴയ കല്ലുളിക്കുള്ളൂ...! നോക്കിനിൽക്കേ കല്ലിൽ നിന്നൊരു നാഗയക്ഷി തെളിയുന്നു

അടർത്തുമ്പോഴുണ്ടാകുന്ന പാടുകൾ ഇതു പോലെ മിനുക്കി ഇല്ലാതാക്കുകയും ചെയ്യുന്നു,
പണ്ട് മണിക്കൂറുകൾ വേണ്ടി വന്നിരുന്ന ജോലികൾ ഇപ്പോൾ മിനിറ്റുകൾക്കുള്ളിൽ തീരുന്നു...ഈ കൽ‌പ്പൊടികൾക്കിടയിൽ ഒരു മാസ്കും ധരിക്കാതെ ഇവർ ജോലി ചെയ്തു ജീവിതം തീർക്കുന്നു.

ഈയിടെയായി ശിലാശില്പങ്ങളിൽ പൊതുവായി കാണുന്ന രൂപപരമായ ഒരു ഒഴുക്ക് കലാശൈലിയുടെ പ്രത്യേകതയാണെന്നാണ് ഈയുള്ളവൻ ധരിച്ചിരുന്നത്, എന്നാൽ അത് മെഷീൻ കട്ടിങ്ങിന്റെ സൃഷ്ടിയാണെന്ന് ഇപ്പോഴല്ലേ മനസ്സിലാ‍യത് !

ദേവീ ദേവ ശില്പങ്ങളുടെ കണ്ണ് അവസാനം മാത്രമാണത്രേ കൊത്തുക, ഇതിനെ കണ്ണു തുറക്കൽ ചടങ്ങെന്നാണു പറയുക, സ്വർണ്ണ സൂചി ഉപയോഗിച്ചാണത്രേ കണ്ണു തുറക്കാറ്..!
പ്രധാന ഘട്ടങ്ങളിൽ അവർ പാരമ്പര്യ രീതികൾ തന്നെ ഉപയോഗിക്കുന്നു. ഹൈന്ദവാചാരങ്ങൾക്കുള്ളവ മാത്രമല്ല...

ജന്മപാപങ്ങൾ കഴുകിക്കളഞ്ഞ് മനുഷ്യനെ ക്രിസ്തുവിനോട് ചേർക്കുന്നതിനുള്ള മാമോദീസ തൊട്ടിയും ഇവർ നിർമ്മിക്കുന്നുണ്ട്

മോക്ഷം തേടിയുള്ള ജീവിതയാത്രയിൽ ഇരുൾ മാറ്റി തരുന്ന പ്രതീകങ്ങളെയും.....

മത്സരത്തിനും അഹങ്കാരത്തിനുമൊടുവിൽ നിസ്സാരനായ മനുഷ്യൻ ഖിയാമത്ത് നാളിനായി ഖബറിൽ കാത്തു കിടക്കുമ്പോൾ അടയാളം വെയ്ക്കാനുള്ള മീസാൻ കല്ലുകളും....

മാത്രമോ, ഒരു തത്വചിന്തയ്ക്കും കീഴ്പെടാത്ത അടുക്കള ഭരണത്തിനുള്ള ഉപകരണങ്ങളും ഇവർ നിർമ്മിക്കുന്നു.

ശില്പങ്ങളെ പോലെ ശില്പികളും പല സമുദായത്തിൽ നിന്നുള്ളവരാണ്.

കല്ലിൽ കവിത കൊത്തുന്ന കുറുക്കൻ പാറയിലെ അപ്രശസ്തരായ കലാകാരന്മാർക്ക് അഭിവാദ്യങ്ങളോടെ...

നന്ദി

മാഷ്

2010-12-09T10:43:00.001-08:00

തീരാ മഴ

2010-12-04T11:09:00.001-08:00

നാടൊട്ടുക്ക് മഴയാണ് .
മഴയും തണുപ്പും ഓർമ്മകളെ പിന്നോട്ടടിക്കുന്നു...

ജൂണിലെ മഴ നനഞ്ഞ് സ്കൂളിൽ പോയത്...

ഒരു കുടക്കീഴിലും നനയാൻ കൊതിച്ച ആദ്യ പ്രണയം...

നനഞ്ഞൊട്ടിയ യാത്രകൾ...

നമ്മൾ മഴയെ സ്നേഹിക്കുന്നത് ഭാഗ്യവാന്മാരുടെ കൂട്ടത്തിൽ പെട്ടതു കൊണ്ടാണ്

മഴയത്ത് ഇറങ്ങി നടക്കുമ്പോൾ വിലകൂടിയ ചെരിപ്പിനെക്കുറിച്ചോർത്തായിരുന്നു എനിക്കാധി.

മുംബൈ ഡയറീസ് - 4

2010-12-03T03:36:00.000-08:00

മുംബൈ കാഴ്ചകൾ തുടരുന്നു...

മുംബൈ വാസം കഴിഞ്ഞ് തിരിച്ചെത്തുന്നവരുടെ മനസ്സിൽ നഗരത്തിന്റെ പ്രതീകമായി മായാതെ നിൽക്കുന്ന ചില ദൃശ്യങ്ങളുണ്ട്
മുംബൈ കോർപ്പറേഷന്റെ ഈ കെട്ടിടം പോലെ

മുംബൈ സർവ്വകലാശാലയിലെ മീരാബായ് ടവർ പോലെ

നഗരതിരക്കുകൾക്കിടയിലെ വിസ്മയമായ പ്രിൻസ് ഓഫ് വെയിത്സ് മ്യൂസിയം പോലെ

ആശ്ചര്യപ്പെടുത്തുന്ന ഷോപ്പിംഗ് മാളുകൾ

വഴിയോര കച്ചവടക്കാഴ്ചകൾ

ആളെക്കൊല്ലിയെന്നു ഓമനപ്പേരിട്ടു വിളിക്കുന്ന ‘ബെസ്റ്റ്’ ബസ്സുകൾ

ഓടേണ്ട പരിധി പിന്നിലെഴുതി വെച്ചിട്ടുള്ള കേബുകൾ...

നരച്ച താടിക്കാർ....
നഗരത്തിൽ രണ്ടു തരം ടാക്സിക്കാറുകളുണ്ടത്രേ.. മുകളിൽ കാണുന്നതു പോലെ കാലാ പീലാ കളറിലുള്ള സാദാ കാറുകളും, നീലയും ചാരക്കളറും നിറത്തിലുള്ള ശീതീകരിച്ച ടാക്സികളും, അവയ്ക്ക് മീറ്റർ നിരക്കും കൂടുതലാണ്..

കടലിനു നടുവിലെന്ന പോലെ നിൽക്കുന്ന ഹാജി അലി ദർഗ്ഗ

ഒടുക്കം കാണാത്ത ഗല്ലികൾ

ഗ്ലാമറിന്റെ വെള്ളി വെളിച്ചത്തിനിടയിലും ഇരുൾ മൂടിക്കിടക്കുന്ന ചില സ്ഥലങ്ങൾ

രണ്ടു നില ബസ്സുകൾ ഓടുന്ന നിരത്തുകൾ

ഫോർട്ടിലെ, പഴമയുടെ പ്രൌഡി വിളിച്ചോതുന്ന ഫുട്പാത്തുകൾ...

റീഗൾ തീയേറ്റർ പോലെയുള്ള രാജ്യപ്രശസ്ത സിനിമാ തീയേറ്ററുകൾ

ജുഹുവിലെ സെലിബ്രിറ്റികൾ അല്ലെങ്കിൽ സിനിമയിൽ ഭാഗ്യമന്വേഷിച്ച് നഗരത്തിൽ താമസിക്കുന്നവർ.

അങ്ങനെ മായ്ക്കാൻ കഴിയാതെ മനസ്സിൽ തങ്ങി നിൽക്കുന്ന കാഴ്ചകൾ നിരവധിയാണ്.
ഇയർ ഫോണിലൂടെ ആരോടൊക്കെയോ കലഹിച്ചു നീങ്ങുന്ന സുന്ദരിമാരും സുന്ദരന്മാരും, ഏതുനേരവും പരസ്യമായി പ്രണയിക്കുന്നവർ, കൂളിംഗ് ഗ്ലാസും വെളുത്ത യൂണിഫോമുമിട്ട ട്രാഫിക് പോലീസുകാർ, ഫുട്പാത്ത് കച്ചവടക്കാർക്കിടയിലൂടെ നീങ്ങുന്ന പുതിയ മോഡൽ ബെൻസ് കാർ...
മുംബൈയിൽ കാഴ്ചകൾക്ക് അവസാനമില്ല. എന്നാലും ഇത്തവണത്തെ മുംബൈ കാഴ്ചകൾ ഇവിടെ അവസാനിക്കുന്നു.
നന്ദി.

നെന്മാറയെന്ന നെല്ലറ

2010-11-16T10:04:00.000-08:00

നെല്ലിയാമ്പതി വ്യൂ പോയിന്റിൽ നിന്നുള്ള ദൃശ്യം

ബാല്യം

2010-11-13T10:31:00.000-08:00

മഴയെ കൊതിക്കുന്ന ബാല്യം

മുംബൈ ഡയറീസ് - 3

2010-11-08T09:35:00.000-08:00

മുംബൈ കാഴ്ചകൾ തുടരുന്നു...

ഡബ്ബാ വാല.

മുംബൈ സന്ദർശിക്കുന്നവർ ഒരിക്കലെങ്കിലും പരിചയപ്പെടേണ്ട കൂട്ടരാണിവർ, ചർച്ച് ഗേറ്റിനു പരിസരത്ത് 11 - 11.30 നും, 2 - 2.30 ന് ഇടയ്ക്കും ഇവരെ കാണാം, കാണാൻ സമയമില്ലെന്ന് മാത്രം പറയരുത്, സമയത്തിന് നമ്മുടേതിനേക്കാൾ കണിശതയുള്ള ചാൾസ് രാജകുമാരൻ മുതൽ വമ്പൻ ബിസിനസ്സുകാർ വരെ ഇവരെ തേടി ഇങ്ങോട്ടു വരുന്നു, ഇവരെ തേടി ബിബിസി അടക്കമുള്ള ചാനലുകൾ ഇവിടെ വന്നിട്ടുണ്ട്, ഇവരാണ് മുംബൈയെ ഊട്ടുന്നവർ, പേര് ഡബ്ബാ വാലകൾ.

നിങ്ങൾ അമ്മയെ / ഭാര്യയെ സ്നേഹിക്കുന്നില്ലേ ? അവരുടെ കൈകൊണ്ടുണ്ടാക്കിയ ഭക്ഷണം ഇഷ്ടപ്പെടുന്നില്ലേ ? എന്നുള്ള താണ് ഡബ്ബാ വാലയുടെ പരസ്യ വാചകം. !
10.00, 5.00 മണി നേരങ്ങളിലെ ഗതാഗതക്കുരുക്കിൽ നിന്നൊഴിവാകാനായി പുലർച്ചെ 6.00 മണിക്ക് ഓഫീസ് ജോലികൾ ആരംഭിക്കുന്ന കമ്പനികൾ മുംബൈയിലുണ്ട്, ഇത്തരം സ്ഥാപനങ്ങളിൽ ജോലി ചെയ്യുന്നവർക്ക് അത്ര നേരത്തേ ഉച്ച ഭക്ഷണം തയ്യാറാക്കി നൽകാൻ വീട്ടമ്മമാർക്ക് കഴിയാറുമില്ല, അതിനൊരു പ്രതിവിധിയാണ് ഡബ്ബാവാലകൾ. ലോക്കൽ ട്രെയിനിലെ തിരക്കിൽ ഭക്ഷണപ്പൊതി ഒഴിവാക്കാൻ ആഗ്രഹിക്കുന്നവരും സ്കൂൾ വിദ്യാർത്ഥികളും ഡബ്ബാവാലകളുടെ ഉപഭോക്താക്കളാണ്.

കസ്റ്റമറുടെ വീട്ടിൽ നിന്ന് 10.30 - 11.00 മണിയോടെ ഇവർ ടിഫ്ഫിൻ ശേഖരിക്കുന്നു, ഓഫീസിലെത്തിക്കുന്നു, ഭക്ഷണം കഴിച്ചു കഴിഞ്ഞാൽ 2.30 - 3.00 മണിക്ക് അതേ പാത്രം തിരിച്ചു വീട്ടിൽ എത്തിക്കുന്നു.

വീട്ടിൽ നിന്ന് നടന്നോ സൈക്കിളിലോ ടിഫ്ഫിൻ ബോക്സ് ശേഖരിക്കും, അടുത്തുള്ള റെയിൽ വേ സ്റ്റേഷൻ പരിസരത്ത് ഇതെല്ലാം തരം തിരിച്ച് നീണ്ട ട്രേകളിലാക്കും, അവ ട്രെയിനിൽ കയറ്റി അതാതു സ്ഥലത്തെത്തിക്കും,

അവിടെ നിന്ന് ഉന്തു വണ്ടിയിൽ അതാതു സ്ട്രീറ്റിലേക്കെത്തിച്ച്, അവിടെ നിന്ന് കസ്റ്റമറുടെ കെട്ടിടത്തിലെ കൃത്യം ഓഫീസിൽ എത്തിക്കും, അവിടെ നിന്നു തിരിച്ച് വീട്ടിലേക്കും.

ഒരു ടിഫ്ഫിൻ ബോക്സ് ഉപഭോക്താവിന്റെ കൈകളിലേക്കെത്തുന്നതിനു മുമ്പ് ചിലപ്പോൾ എട്ട് ഡബ്ബാ വാലകളുടെ കൈകളിലൂടെയെങ്കിലും മറിഞ്ഞിട്ടിണ്ടാകും. ! ഇതിനെല്ലാം കൂടിയെടുക്കുന്ന സമയം പരമാവധി മൂന്നു മണിക്കൂർ !

എത്ര തിരക്കാണെങ്കിലും സംഭവം കൃത്യമായി കിറുകിറുത്യം സമയത്ത് കിട്ടിയിരിക്കും,
അങ്ങനെ ഉറപ്പിച്ചു പറയാൻ പറ്റുമോ എന്നു സംശയം തോന്നാം, വിശ്വസിച്ചേ പറ്റൂ, സാമ്പത്തിക അവലോകനത്തിൽ ലോക പ്രശസ്ത ഉസ്താക്കന്മാരായ ഫോബ്സ് മാസിക ഇവരെ സിക്സ് സിഗ്മ എന്ന വിഭാഗത്തിലാണ് ഉൾപ്പെടുത്തിയത്, അതായത് കൃത്യതയിൽ ഇവരുടെ ശതമാനം 99. 9999 %..! മുംബൈ പോലെ ഒരു മഹാ നഗരത്തിൽ ഉദ്ദേശിച്ച സമയത്ത് ഉദ്ദേശിച്ച സ്ഥലത്തെത്താൻ ഇവർക്ക് മാത്രമേ കഴിയൂ.!

ഈ ഉന്തു വണ്ടികൾ ഒരിക്കലും വൈകാറില്ല, അതുകൊണ്ടാകാം വിർജിൻ വിമാന കമ്പനി മുതലാളിയും ലോക പ്രശസ്ത വ്യവസായിയുമായ സർ. റിച്ചാർഡ് ബ്രാൻസൻ ഇവരെ കണ്ടു പടിക്കാൻ ഇങ്ങോട്ടു വന്നത്.

ഡബ്ബാ വാലകളുടെ ശരാശരി വിദ്യാഭ്യാസം എട്ടാം ക്ലാസ്സാണ്, എന്നാൽ ഇവരുടെ മാനേജുമെന്റ് വൈദഗ്ദ്യം കാരണം ഇന്ത്യയിലെ പല ബിസിനസ്സ് മാനേജുമെന്റ് കോളേജുകളും ഇവരെ ക്ലാസ്സെടുക്കാൻ വിളിക്കാറുണ്ട്.

ശ്രീരാമ ചന്ദ്രൻ ജി പറയുന്നു...
1880 കളിൽ ബ്രിട്ടീഷുകാർക്കു വേണ്ടിയാണത്രേ ഈ ജോലി ആദ്യം തുടങ്ങിയത്, ഇപ്പോൾ 5000 ൽ അധികം ഡബ്ബാവാലകളുണ്ട്, രണ്ടു ലക്ഷത്തിലധികം ഡബ്ബകൾ ദിവസവും കൈകാര്യം ചെയ്യുന്നു, ഇവർക്കറിയാത്ത കെട്ടിടങ്ങളോ നിരത്തുകളോ മുംബൈയിൽ ഇല്ല ! ഇവർ ജോലി സമയത്ത് മദ്യപിക്കില്ല, ഇത്രകാലമായിട്ടും ഒരു ദിവസം പോലും സമരം ചെയ്തിട്ടില്ല, 5000 മുതൽ 7000 വരേയാണു ശംബളം, നമ്മുടെ ഇന്ത്യൻ കോഫി ഹൌസ് പോലെ തൊഴിലാളികളുടെ ഒരു സൊസൈറ്റിയാണ് കാര്യങ്ങൾ നിയന്ത്രിക്കുന്നത്. ഇപ്പോൾ ഓൺ ലൈൻ വഴിയും എസ്.എം.എസ് വഴിയും ഡബ്ബകൾ ബുക്കു ചെയ്യാമത്രേ.

സ്ഥിരമായി ഭജനുകൾ സംഘടിപ്പിക്കുന്ന ഇവർ മറാത്തി സംസ്കാരം ഉയർത്തിപ്പിടിക്കുന്നവരാണ്, ഒരു ഡബ്ബാ വാലയായതിൽ അഭിമാനിക്കുന്നവർ.
ജാതി, മതം, ഭാഷാ ഭേദമന്യേ ഡബ്ബാവാലകൾ മുംബൈയെ സേവിക്കുന്നു, കൃത്യതയോടെയും ആത്മാഭിമാനത്തോടെയും കഠിനാധ്വാനത്തോടേയും ആത്മാർപ്പണത്തോടെയും.
അതുകൊണ്ട് ബഹുമതികൾ അവരെ തേടി വരുന്നു.
മറ്റു പ്രസ്ഥാനങ്ങളേക്കാൾ ഉയരത്തിൽ ഇവർ മുംബൈയുടെ പ്രതീകങ്ങളാകുന്നു.

മുംബൈ കാഴ്ചകൾ തുടരുന്നു.

മുംബൈ ഡയറീസ് - 2

2010-11-03T09:09:00.000-07:00

മുംബൈ കാഴ്ചകൾ തുടരുന്നു...

ഒരു ആംഛി മുംബൈയുടെ ദിവസം ഇവിടെ തുടങ്ങുന്നു.

കോലി, ആഗ്രി എന്നീ മണ്ണിന്റെ മക്കൾ സമുദായക്കാർ മുതൽ പാർസികൾ വരെ ആംഛി മുംബൈയിൽ പെടും. നഗരത്തിലെ പ്രബല വിഭാഗമാണ് പാർസികൾ, മരിച്ചാലും ആർക്കെങ്കിലുമൊക്കെ ഉപകാരപ്പെടണം എന്ന സിദ്ധാന്തക്കാർ. മലബാർ ഹിൽസിൽ നിശബ്ദതയുടെ ടവറുകൾ എന്ന ശ്മശാനം പ്രസിദ്ധമാണ്, പണ്ട് പാർസികളുടെ മൃതദേഹങ്ങൾ അവിടെ പക്ഷികൾക്ക് നൽകിയായിരുന്നത്രേ അടക്കം ചെയ്തിരുന്നത് !
ഗേറ്റ് വേ ഓഫ് ഇന്ത്യ യുടെ സമീപത്തുള്ള ഈ പ്രാവു തീറ്റയുടെ സ്ഥാപകരും അവരായിരിക്കുമോ ?

ഇന്ത്യക്കാരനായതിനാൽ ജംഷഡ്ജി ടാറ്റ എന്ന പാർസിയെ വാട്സൺ ഹോട്ടലിൽ കയറ്റാത്തതിൽ ദേഷ്യപ്പെട്ടായിരുന്നത്രേ ഈ ടാജ് ഹോട്ടൽ പണിതത് !

യഥാർത്ഥത്തിൽ പാർസികൾ പേർഷ്യക്കാരാണ് (ഇറാനിയൻ സൌരാഷ്ട്രിയർ), ഗുജറാത്ത് വഴി മുംബൈയിലെത്തി. ടാറ്റാ, വാഡിയ, സോറബ്ജി, മോഡി, പട്ടേൽ, കാമ, മേത്ത തുടങ്ങി വമ്പൻ സർനെയിമുകളെല്ലാം പാർസി അക്കൌണ്ടിലുള്ളതാണ്. മലബാറികളുടെ കയ്യിൽ നിന്ന് മലബാർ ഹിൽസ് പോയത് പാർസികളുടെ കയ്യിലേക്കാണ്, മുംബൈയുടെ പണസഞ്ചി പാർസികൾ തന്നെ.
മുംബൈയുടെ ഐക്കണായ ഈ കെട്ടിടങ്ങളായിരുന്നു 26/11 ഭീകരാക്രമണത്തിന്റെ ഒരു ഇര.

നരിമാൻ പോയിന്റിലുള്ള ഒബ്രോയി ഹോട്ടലും (ട്രൈഡ് എന്റ്) അന്ന് ആക്രമിക്കപ്പെട്ടു (നടുവിൽ കാണുന്ന കെട്ടിടം). ഖുർഷീദ് ഫ്രാംജി നരിമാൻ എന്ന പാർസിയിൽ നിന്നാണ് നരിമാൻ പോയിന്റുണ്ടായത്. ഒന്നര ലക്ഷത്തിലധികം ഓഫീസ് ജോലിക്കാർ മുംബൈയുടെ സാമ്പത്തിക കേന്ദ്രം എന്നറിയപ്പെടുന്ന ഈ മേഖലയിൽ പണിയെടുക്കുന്നുണ്ട് എന്നാണു കണക്ക്.

26/11 നു ശേഷം നഗര സുരക്ഷയും കർശനമാക്കിയിട്ടുണ്ട്,
വെടി വെച്ചിട്ടിട്ടായിരിക്കും എന്തിനാ ഫോട്ടോയെടുത്തത് എന്നു ചോദിക്കുന്നത് ! ജീവൻ കയ്യിൽ വെച്ചുള്ള കളിയാ !

ഒരു ആർട്ടിഫിഷ്യൽ ധൈര്യത്തിൽ അങ്ങനെ നീങ്ങുമ്പോഴുണ്ട്, അടുത്ത റോഡിൽ നിന്ന് ഒച്ചേം ബഹളോം. എന്തോ ഒരു കോളൊത്തൂന്ന് കരുതി ഓടിച്ചെന്നപ്പോ...നമ്മുടെ പുലിക്കളി ! ഇതു കാണാനാണോ മുംബൈ വരെ പോയത്, അതും തൃശൂർന്ന്.

അന്ന് വിനായക ചതുർത്ഥി ആയിരുന്നു, അടുത്ത വർഷം വീണ്ടും വരാൻ അപേക്ഷിച്ച് ഗണേശ വിഗ്രഹം കടലിലൊഴുക്കുന്നതിന്റെ മുന്നോടിയായിരുന്നു മേലേ കണ്ട പുലിക്കളി.

നഗരത്തിലെ സാധാരണക്കാരന്റെ ഉത്സവമാണെന്നു തോന്നുന്നു ഈ ചതുർത്ഥി.
ഗണപതി ബപ്പ മോറിയ വിളികളുമായി അവർ അർമാന്തിക്കുകയായിരുന്നു.

ഗണേശ വിസർജ്ജനു ( വിഗ്രഹം കടലിലൊഴുക്കൽ) വേണ്ടി നഗരം അന്നു ബീച്ചുകളിലേക്കൊഴുകുകയായിരുന്നു.

നേരം ഇരുട്ടിയും അത് തുടർന്നു കൊണ്ടേയിരുന്നു.

ചില വിഗ്രഹങ്ങൾ പോകാൻ മടിച്ച് തിരിച്ചു വന്നു.

അതു പ്രതീക്ഷിച്ചായിരിക്കും, ഇത്തവണ ഇക്കോ ഫ്രണ്ട് ലി വിഗ്രഹങ്ങളാണത്രേ നിർമ്മിച്ചിട്ടുള്ളത് !

രാത്രിയിലും ഓടുന്ന ലോക്കൽ ട്രെയിനുകളാണ് മുംബൈയുടെ രക്തധമനികൾ, നഗരം ഈ ട്രാമ്പുകളിൽ പായുന്നു.

രാത്രിയിലെ മറൈൻ ഡ്രൈവ്.
ഇവിടെ കാറ്റു കൊണ്ടിരുന്ന്, മലബാർ ഹിൽസിലെ തിളങ്ങുന്ന കെട്ടിടങ്ങൾ നോക്കി സ്വപ്നങ്ങൾ പുതുക്കാം, അങ്ങനെ
ആംഛി മുംബൈയുടെ ഒരു ദിവസം ഇവിടെ അവസാനിക്കുന്നു.

മുംബൈയുടെ ശേഷിക്കുന്ന കാഴ്ചകളിലേക്കു പോകുന്നതിനു മുമ്പ് ഒരു ചെറിയ ഇടവേ.

മുംബൈ ഡയറീസ് - 1

2010-10-31T04:07:00.001-07:00

എന്തൂട്ട് ഇന്ത്യഷ്ടാ ! ഈ ബോംബേന്റെ ഒരു മൂലയ്ക്ക്ണ്ടാ ?
തൃശൂരിന്റെ വാണിജ്യ തലസ്ഥാനം അരിയങ്ങാടിയിലൂടെ നടക്കുമ്പോൾ ഒരു കാലത്ത് സ്ഥിരം കേട്ടിരുന്ന ഡയലോഗാണിത്
കാലം മാറി ബോംബെ മുംബൈ ആയി...

ഇത് മുംബൈ,
മുഖവുര ആവശ്യമില്ലാത്ത നഗരം

ഇത് മുംബാ ദേവിയുടെ ക്ഷേത്രം, ദേവിയിൽ നിന്നാണ് നഗരത്തിനീ പേരു കിട്ടിയത്, മുംബൈയിൽ നിന്ന് നേടിയത് മുംബൈയിൽ തന്നെ ചിലവാകുമത്രേ, ഇവിടുത്തെ സമ്പത്ത് പുറത്തു പോകാൻ മുംബാദേവി സമ്മതിക്കില്ല എന്നൊരു വിശ്വാസവും നിലവിലുണ്ട്..!

ഇതി സി.എസ്.ടി ടെർമിനൽ, യുനെസ്കോ ലോക പൈതൃക പദ്ധതിയിൽ ഉൾപ്പെടുത്തിയ കെട്ടിടമാണിത്. ഭാഗ്യാന്വേഷിയായ പ്രവാസിയുടെ അവസാന റെയിൽവേ സ്റ്റേഷൻ.
ബ്രിട്ടിഷ് ഈസ്റ്റിന്ത്യാ കമ്പനിയാണ് ഈ റെയിൽ വേ സ്റ്റേഷൻ സ്ഥാപിച്ചത്. ആദ്യം ഇത് വി.ടി ആയിരുന്നു, വിക്ടോറിയാ ടെർമിനൽ, ഇപ്പോൾ സി.എസ്.ടി, ഛത്രപതി ശിവാജി ടെർമിനൽ.

പതിനേഴാം നൂറ്റാണ്ടിലെ ഛത്രപതി ശിവാജി മറാത്തികളുടെ ദേശീയതയുടെ പ്രതീകമാണ്.
പറഞ്ഞു വന്നത്, മുംബൈയിലെത്തിയ ആദ്യ പുറം രാജ്യക്കാർ പറങ്കികളായിരുന്നു. പതിനാറാം നൂറ്റാണ്ടിൽ ഗുജറാത്ത് സുൽത്താനിൽ നിന്ന് പോർച്ചുഗീസുകാർ കൈവശപ്പെടുത്തുമ്പോൾ മുംബൈ മൊത്തം ഏഴു ദ്വീപായിരുന്നു, പറങ്കി രാജകുമാരിയെ ഇംഗ്ലണ്ട് രാജകുമാരൻ ചാൾസ് രണ്ടാമനു മംഗലം ചെയ്തു കൊടുത്ത വകയിൽ ദ്വീപുകളുടെ ആധാരം സ്ത്രീധന ഉരുപ്പടിയാക്കി ബക്കിംഹാം കൊട്ടാരത്തിലെത്തിച്ചു.

രാജകുമാരിയുടെ ചെലവു താങ്ങാൻ പറ്റാഞ്ഞിട്ടോ, രാജകുമാരനു കൊണ്ടു നടക്കാൻ പറ്റാഞ്ഞിട്ടോ എന്തോ, നഗരത്തിന്റെ ആധാരം ബ്രിട്ടീഷ് ഈസ്റ്റ് ഇന്ത്യാ കമ്പനിക്കു പണയം വെച്ചു ടിയാൻ ലോണെടുത്തു.

ബ്രിട്ടീഷുകാർ കടൽ നികത്തി ദ്വീപുകളെ കൂട്ടിയിണക്കി മുംബൈ എന്ന തുറമുഖ നഗരത്തെ സൃഷ്ടിച്ചു. ഇംഗ്ലണ്ടിലെ ജോർജ്ജ് അഞ്ചാമൻ രാജാവിനെയും മേരിത്തമ്പുരാട്ടിയേയും വരവേൽക്കാൻ നിർമ്മിച്ചതാണ് ഈ ഗേറ്റ് വേ ഓഫ് ഇന്ത്യ. അതു പോലെ പല കച്ചവടക്കാരും കടൽ കടന്ന് മുംബൈയിലെത്തി, മാഞ്ചസ്റ്റർ മാതിരി തുണി നിർമ്മാണ ശാലകൾ സ്ഥാപിച്ചു, ഗ്രാമങ്ങളിൽ നിന്ന് തൊഴിലാളികൾ നഗരത്തിലേക്കു കുടിയേറാൻ തുടങ്ങി.

ഫോർട്ടിലെ ഈ കെട്ടിടം പോലെ പ്രൌഢിയായി ഉയർന്നു നിൽക്കുന്ന കൽകെട്ടിടങ്ങൾക്കു പിന്നിലെ വിയർപ്പ് ആന്ധ്രയിലെ കാമാടിയിൽ നിന്നുള്ള കൽ‌പ്പണിക്കാരുടേതാണ്, ലോക പ്രശസ്ത ശില്പികളുടെ മേൽ നോട്ടത്തിൽ ബ്രിട്ടീഷുകാർ മുംബൈയിൽ കെട്ടിടങ്ങൾ പണിതുയർത്തി.

രക്തസാക്ഷി ചതുരത്തിലെ ഫ്ലോറ ഫൌണ്ടനു മുന്നിലൂടെ പായുന്ന വാഹനങ്ങളേക്കാൾ വേഗമുണ്ടായിരുന്നു മുംബൈയുടെ വളർച്ചയ്ക്ക്. രാത്രിയേറെയായിട്ടും സീബ്രാ വരകൾക്കു പിന്നിൽ റോഡു ക്രോസ്സ് ചെയ്യാൻ നിൽക്കുന്നവരെപ്പോലെ, എല്ലാ കാലത്തും തൊഴിലന്വേഷകർ മുംബൈയിലേക്കു വന്നു കൊണ്ടേയിരുന്നു.

ശൈഖ് മേമൻ തെരുവ്.

ഇതു പോലെ മുംബൈയ്ക്ക് ഉൾകൊള്ളാൻ കഴിയുന്നതിനേക്കാൾ ജനങ്ങൾ വന്നു ചേർന്നു കൊണ്ടേയിരുന്നു, കാലം മാറി കൽ‌പ്പണി കോൺക്രീറ്റിനു വഴിമാറി, തൊഴിൽരഹിതരായ കാമാടിക്കാരുടെ കാമാടിപുരത്ത് പിന്നെ വിയർപ്പൊഴുകിയത് നഗരത്തിന്റെ കാമം തീർക്കാനായിരുന്നു, കുപ്രസിദ്ധ ചുവന്നതെരുവിന്റെ ജനനം അങ്ങനെ..!

ഇടുങ്ങിയ മുറികളിൽ സ്വപ്നങ്ങളെ കെട്ടിപ്പിടിച്ച് ഭാഗ്യാന്വേഷികൾ അട്ടിയിട്ട് കിടന്നു, ഇന്നും ഒരാൾ കിടക്കേണ്ടിടത്ത് ഒൻപതു പേർ കിടന്ന് രാത്രി വെളുപ്പിക്കുന്നു.

മുംബൈ ഒരു റാണിയാണെങ്കിൽ മലബാർ ഹിൽസ് റാണിയുടെ നെക്ലേസ് ആണ്, കുതിച്ച മുംബൈയുടെ ലാഭം പങ്കിട്ടവർ ഇവിടെയാണ് താമസിക്കുന്നത്, വടക്കൻ കേരളത്തിലെ (മലബാറിലെ) ഒരു കച്ചവട കുടുംബത്തിന്റെ ഉടമസ്ഥതയിലുണ്ടായിരുന്ന സ്ഥലമായതുകൊണ്ടാണ് ഇതിനെ അങ്ങനെ വിളിക്കുന്നതെന്ന് ഒരു വാദമുണ്ട്, എല്ലാവർക്കും മലബാർ ഹിൽസിൽ ഒരു ഫ്ലാറ്റു വേണം !

എന്നാൽ ഭാഗ്യാന്വേഷണം അവരെ ഈ ചേരികളിൽ കുരുക്കിയിടുന്നു, അങ്ങനെ രണ്ടു സംസ്കാരങ്ങൾ ഇവിടെ മുഖാമുഖം നോക്കി നിൽക്കുന്നു. ധനികർക്ക് നിയമം വേറെയാണ്, ചേരികളിൽ താമസിക്കുന്നവർക്കും, ഇന്ത്യയിലെ ഏറ്റവും ജനനിബിഢമായ നഗരത്തിലെ പകുതി ജനങ്ങളും താമസിക്കുന്നത് ഈ ചേരികളിലാണ്, ഇവിടെ നിന്നാണ് നിന്നാണ് കരിം ലാല, ഹാജി മസ്താൻ, വരധരാജ മുതലിയാർ മുതൽ അരുൺ ഗാവ് ലി, അശ്വിൻ നായക്, രവി പൂജാരി മാർ വരെയുള്ള അധോലോക വില്ലന്മാർ ഉയർന്നു വന്നത്.

മുംബൈയിലൂടെയുള്ള യാത്ര തുടരുന്നു.

തീവണ്ടിയിൽ ഒരു മഴക്കാലത്ത്

2010-10-13T10:28:00.001-07:00

ഒരു മൺസൂൺ കാല തീവണ്ടിയാത്രയിൽ നിന്ന്....

അവധിക്കാലത്ത് ഒരു ദീർഘദൂര ട്രെയിൻ യാത്ര.

ഒരു നിമിഷത്തിന്റെ മാത്രം ആയുസ്സുള്ള പുതിയ കാഴ്ചകൾ.

കൂട്ടിനു മഴയും...

ലക്ഷ്യത്തിലേയ്ക്കുള്ള അലസമായ കാത്തിരിപ്പ്

യാത്രയാക്കുന്ന പച്ചപ്പ്

ഓടി മറയുന്ന കാഴ്ചകൾക്കിടയിലും ....

തങ്ങിനിൽക്കുന്ന ചില ദൃശ്യങ്ങൾ.

ജീവിതത്തിൽ ഒരിക്കൽ മാത്രം കാണുന്ന സഹയാത്രികർ.

സ്വാഗതം പറയുന്ന പച്ചപ്പ്

...ഒടുവിൽ ഈ യന്ത്രത്തോക്കുകൾ പറയുന്നു,

മുംബൈയിലേക്ക് സ്വാഗതം.

സർപ്പം തുള്ളൽ

2010-10-05T10:19:00.001-07:00

പാമ്പിൻ പക ഒടുങ്ങില്ല, തലമുറകൾ കഴിഞ്ഞും ഇഴഞ്ഞു വരും, കുലം മുടിക്കുന്ന സർപ്പശാപം, സന്താന വിഘ്നം വരുത്തും, ത്വക്ക് രോഗമായി തലമുറകളുടെ ശരീരത്തിൽ ഇഴഞ്ഞു കയറും, മനശ്ശാന്തി മാളത്തിൽ കയറും, ദോഷങ്ങൾ വന്നു പെട്ടാൽ നാഗദൈവങ്ങളെ പ്രീതിപ്പെടുത്താൻ ദുർബ്ബലനായ മനുഷ്യൻ കളമൊരുക്കുന്നു...

പുള്ളുവരെയാണ് വിളിക്കുക, നാഗാരാധന നടത്തി ജീവിക്കാൻ ബ്രഹ്മാവ് തലയിൽ വരച്ചു വിട്ടവർ..

കൈലാസ നാഥനെ ചുറ്റു പിണഞ്ഞു കിടക്കുന്ന നൂറ്റൊന്നു നാഗങ്ങൾ....

പഞ്ചവർണ്ണങ്ങളിൽ നാഗയക്ഷികളുടെ രൂപങ്ങൾ ജനിക്കുന്നു...

കുരുത്തോലകളിൽ മന്ത്രങ്ങളുറങ്ങുന്ന രൂപങ്ങൾ കാവൽ നിർത്തി നാഗങ്ങളെ എഴുതിയുണർത്തുന്നു...

ആരാധനാനുഷ്ടാനങ്ങളിലൂടെ നമ്മുടെ കലാ സംസ്കാരം ഉറയുരിഞ്ഞ് അഭിവൃദ്ധിപ്പെട്ടു....

ഇവിടെ മതവും മനുഷ്യനും അനുഷ്ടാനവും ആരാധനയും കലയും കർമ്മവും വേർതിരിച്ചെടുക്കാനാവാത്ത വിധം ഇഴചേർന്ന് കിടക്കുന്നു...

അത്ഭുതപ്പെടുത്തുന്ന ഒരു കലാ പാരമ്പര്യം നൂറ്റാണ്ടുകളിലൂടെ ഇഴഞ്ഞ് നമ്മെ പത്തി വിരിച്ചു നോക്കുന്നു...

നാവേറു പാടി ദോഷമകറ്റി ഉണ്ണികളെ പുതിയ ലോകത്തേക്കു വിളിക്കുന്നു...

കളത്തിലെഴുതിയ ദൈവങ്ങളെ പാടിയുണർത്തുന്നു, തീയാലുഴിഞ്ഞ് പ്രീതിപ്പെടുത്തുന്നു...

ബലികളിൽ ഉണർത്തപ്പെട്ട കന്യാനാഗവും മണിനാഗവും അവർക്കായൊരുക്കി നിർത്തിയ ശരീരങ്ങളിൽ കയറി....

ഭക്തർ നിവേദിച്ച കളങ്ങളിൽ ഇഴഞ്ഞു നീങ്ങുന്നു...

മുടികളിലായിരം സർപ്പങ്ങളെയൊളിപ്പിച്ച് കന്യാനാഗം....

കൈലാസ നാഥനെ വലംവെയ്ക്കുന്ന മണിനാഗം...
ശേഷം...ഭക്തരുടെ സമർപ്പണത്തിൽ തൃപ്തരായി നാഗങ്ങൾ കാവുകളിലെ മാളങ്ങളിലേയ്ക്ക് അദൃശ്യരായി ഇഴഞ്ഞുപോയി...
അഴിച്ചിട്ട പാമ്പിൻതോൽ പോലെ വിശ്വാസങ്ങളിൽ പൊതിഞ്ഞ കലാ പാരമ്പര്യം അടുത്ത തലമുറകൾക്കായി ഈ കളങ്ങളിൽ പാതി മാഞ്ഞു കിടന്നു.

നന്ദി

S.Y.S. മാതൃക

2010-10-02T08:32:00.000-07:00

സുഹൃത്തുക്കളെ,

ഈ ബ്ലോഗിൽ പൊൻ കതിരു തേടി എന്നൊരു ഫോട്ടോ ഫീച്ചർ മാസങ്ങൾക്കു മുൻപു പോസ്റ്റിയിരുന്നു. മൂന്നോ നാലോ മാസങ്ങൾ തുടർച്ചയായി അലഞ്ഞിട്ടാണ് അതിനു വേണ്ട ചിത്രങ്ങൾ പകർത്തിയത്. ആ ഫീച്ചറിലെ ചിത്രങ്ങൾക്കായി ഒട്ടും പരിചയം ഇല്ലാതിരുന്ന, ദൂരസ്ഥലങ്ങളിലുള്ള എത്രയോ പാടങ്ങളിലേയ്ക്ക് യാത്ര ചെയ്തിരിക്കുന്നു. എത്രയോ അന്വേഷണങ്ങൾ, ഉന്നം തെറ്റിയ യാത്രകൾ, കത്തിച്ചു തീർത്ത പെട്രോളുകൾ, എടുത്തു തീർത്ത അവധികൾ, ഇതൊന്നും പ്രതിഫലത്തിനു വേണ്ടിയല്ല, അത് കണ്ട് “എന്റെ മക്കൾ ആദ്യമായി നെൽകൃഷി കണ്ടത് നിന്റെ ബ്ലോഗിലൂടെയാണ് ” എന്നു കേൾക്കുമ്പോൾ ഉണ്ടാകുന്ന സന്തോഷം, പാടത്തെ വരമ്പിൽ വഴുതിവീണുണ്ടായ ഉളുക്കും, ക്യാമറയിൽ ചെളി കയറിയുണ്ടായ നഷ്ടവും എല്ലാം അപ്പോൾ മറക്കുന്നു. അതെല്ലാം പോസ്റ്റുമ്പോൾ കാഴ്ചക്കാർക്ക് ഒരു ചെറിയ ശല്യവും ഉണ്ടാകരുതെന്നു കരുതിയാണ് ചിത്രത്തിനു മുകളിലൂടെ വാട്ടർമാർക്ക് ഇടാതിരുന്നത്, പക്ഷെ ചില പിതൃശൂന്യർക്ക് ഇതൊന്നും അറിയേണ്ട ആവശ്യമില്ലെന്നു തോന്നുന്നു. കുറച്ചു മാസങ്ങൾക്കു മുമ്പ് തൃശൂർ ടൌണിൽ വെച്ച് ഒരു പോസ്റ്റർ കണ്ടു. എസ്. വൈ.എസ് എന്ന ഒരു സമുദായ യുവജന സംഘടനയുടെ സംസ്ഥാനതല പരിപാടിയുടെ ഒരു പ്രചരണ പോസ്റ്റർ.

മേൽ പറഞ്ഞ ഫോട്ടോ ഫീച്ചറിലെ ആറാം ലക്കത്തിൽ മൂന്നാമതായി ഉൾകൊള്ളിച്ചിരുന്ന, കയ്യിലെ കാശുപയോഗിച്ച് സ്വന്തമാക്കിയ ഉപകരണം കൊണ്ട്, മേൽ വിവരിച്ച പ്രകാരം ബുദ്ധിമുട്ടി പകർത്തിയ ഒരു ചിത്രം ടി സംഘടനക്കാർ ഒരുളുപ്പുമില്ലാതെ പകർത്തി വെച്ചിരിക്കുന്നു. ചിത്രങ്ങളുടെ രണ്ടു വശത്ത് കറുത്ത ഒരു ബോർഡറിട്ട് അടിയിൽ © Faisal Moh'd എന്ന് എഴുതിയിരുന്നു....

മിടുക്കന്മാർ ആ ബോർഡർ അങ്ങനെ നിലനിർത്തി എന്റെ പേര് മായ്ച്ച് അതിനു മുകളിൽ അവരുടെ സംസ്ഥാന കമ്മറ്റിയുടെ പേര് പതിച്ചിരിക്കുന്നു. ഇതിനെയൊക്കെ എന്തു പേരിട്ട് വിളിക്കണം ?. ഇത് അവരറിയാതെ സംഭവിച്ചതാകുമോ ? അതിന്റെ വിദൂര സാധ്യത പരിഗണിച്ച് അവർക്ക് കത്തയച്ചു, ബോധ്യമായി, വിചാരിച്ചതിലും മോശക്കാരാണവർ, ഒരാളിൽ നിന്ന് അടുത്തയാളിലേക്ക്, അയാളിൽ നിന്നും അടുത്തയാളിലേക്ക് നേരിൽ സംസാരിക്കാനായി സ്ഥലവും സമയവും അറിയിച്ച് കാത്തു നിർത്തുക, മൂന്നു മാ‍സത്തോളം വലിപ്പിച്ചു, പരമാവധി ഉഡായിപ്പ്, ഒരു ചൊല്ലില്ലേ ആസനത്തിൽ ആലുമുളച്ചാൽ അതും തണലാക്കുമെന്ന് ഏതാണ്ട് ആ ലൈൻ, ഇതേ ബ്ലോഗിൽ നിന്നുള്ള മറ്റു മോഷണങ്ങളിൽ നിന്ന് ഇതിനെ വ്യത്യസ്ഥമാക്കുന്നത് മൂല്യങ്ങളുടെ മൊത്ത വിതരണക്കാരാണ് ഇങ്ങനെ പെരുമാറുന്നത് എന്നുള്ളതാണ്. അതിവിടെ നിന്നെടുത്തതായതു കൊണ്ടും അതിനേക്കാൾ നല്ല പടങ്ങൾ ഇനിയുമിവിടെയുണ്ട് എന്നുള്ളതു കൊണ്ടും എന്റെ പ്രതിഷേധം ഇവിടെ പോസ്റ്റുന്നു. ആലിന്റെ തണലിൽ നിൽക്കുന്ന പിതൃശൂന്യർക്ക് നാണമുണ്ടാകും എന്നു പ്രതീക്ഷിച്ചിട്ടല്ല, എന്റെ ഒരു സമാധാനത്തിന്...!

സസ്നേഹം ,

ഫൈസൽ മുഹമ്മദ്.

faizalmbi@gmail.com

നിയമ ലംഘനം

2010-09-29T09:52:00.001-07:00

അലക്ഷ്യമായി വലിച്ചെറിയുന്ന ലഹരി അവശിഷ്ടങ്ങൾ ഭാവി തലമുറയെ ദുശ്ശീലരാക്കും.
സഞ്ചാരികൾ ശ്രദ്ധിക്കുക..!

Statutory Warning : Chewing of Pan Masala is injurious to health.

കിട്ടിയോ..?

2010-09-28T08:30:00.000-07:00

കിട്ടിയോ..?

ആഴങ്ങളിൽ നിന്ന്

2010-09-17T09:37:00.001-07:00

ചേറ്റുവ പുഴയുടെ തീരത്തൂടെ കാറ്റും കൊണ്ട് നടക്കുമ്പോഴാണ്, ഡ്രൈവർമാരില്ലാതെ പുഴയ്ക്കു നടുവിൽ നിർത്തിയിട്ടിരിക്കുന്ന ഈ വഞ്ചികൾ കണ്ടത്...

ബോറടിച്ചപ്പോൾ അവരിറങ്ങി ചായകുടിക്കാൻ പോയോ എന്നു ശങ്കിച്ചു നിൽക്കേ...

ചില തലകൾ പൊന്തി വരുന്നു...

കക്ക പിടുത്തക്കാരാണ്, വേലിയിറക്ക സമയത്ത്, കടലഴിയോടടുത്ത ഭാഗത്ത്, വെള്ളത്തിൽ ചവിട്ടി നിന്ന് അടിത്തട്ടിൽ നിന്ന് കക്ക കോരുന്ന തൊഴിലാളികൾ.

ചേറ്റുവ പാലത്തിൽ നിന്നാൽ കാണാം, പുലർച്ചയോടെ ഇവർ ജോലി ആരംഭിക്കുന്നു...

ആഴമുള്ള ഭാഗങ്ങളിൽ രണ്ടു വള്ളക്കാരുണ്ടാകും, ഒരാൾ കോരി വല ഉപയോഗിക്കുമ്പോൾ രണ്ടാമൻ കയറിട്ട് വഞ്ചി നിയന്ത്രിക്കുന്നു

വലയിൽ നിന്ന് ചെളി ഇളക്കി കളയുന്നു...

ശേഷം വഞ്ചി ഡക്കിലേക്ക്...

ഒരു പതിനഞ്ച് കുട്ടയ്ക്കുള്ളതായാൽ തീരത്തടുപ്പിക്കുന്നു.

തുടർചിത്രങ്ങൾക്കായി ഇതുവഴി വരാം.

ആഴങ്ങളിൽ നിന്ന് - 2

2010-09-17T09:00:00.001-07:00

കക്ക വാരൽ തുടരുന്നു...

തീരത്തെത്തിച്ച കക്കയിലെ ചെളികൾ ഒരു വട്ടം കൂടി കഴുകി നീക്കം ചെയ്യുന്നു.

കുട്ടയിലാക്കി...

നേരത്തേ വില പറഞ്ഞുറപ്പിച്ചവരുടെ പണിക്കാർക്ക് കൈമാറുന്നു.

കടവിൽ നിന്ന് ...

കാത്തു കിടക്കുന്ന പെട്ടി ഓട്ടോകളിലേയ്ക്ക്.

ചില സമയങ്ങളിൽ പത്തു വണ്ടികൾ വരെ നിരന്നു കിടക്കുന്നത് കാണാമത്രേ...

എഴുപതിലധികം കിലോമീറ്റർ അപ്പുറത്തു നിന്നാണത്രേ ഇവർ വരുന്നത്, കൊടുങ്ങല്ലൂർ കോട്ടപ്പുറത്തെ പുഴയിൽ നിന്നുള്ള കക്ക ലഭ്യത കുറഞ്ഞതാണിവിടുത്തെ കക്കളുടെ ഡിമാന്റ് വർധിപ്പിച്ചത്

ഇവരിൽ നിന്നും റീട്ടെയിലുകാർ വാങ്ങി ഡോർ ഡെലിവറിക്കായി നിരത്തിലേക്കിറങ്ങുന്നു.

പുഴവക്കിൽ ഇത്തിൾ ഇങ്ങനെ കൂട്ടിയിട്ടിരിക്കുന്നതും കാണാം, ഓരോ കൂനയ്ക്കും ഉടമസ്ഥരുണ്ട്, ശേഷിക്കുന്ന കക്കകൾ ഇങ്ങനെ വെയിലത്തിട്ടാൽ, അൽ‌പ്പ ദിവസത്തിനകം ഇറച്ചി ദ്രവിച്ച് ഇത്തിൾ മാത്രമാകുന്നു. കുമ്മായ നിർമ്മാണത്തിന്റെ അവശ്യ ഘടകമാണല്ലോ ഇത്തിൾ, തമിഴ്നാട്ടിൽ നിന്നും നാഷണൽ പെർമിറ്റ് ലോറികളെത്തി, ഇതു കയറ്റിപോകുമെന്നു കേൾക്കുമ്പോഴാണ് ഇതിന്റെ വ്യാപാര സാധ്യതകൾ നമ്മെ അതിശയിപ്പിക്കുന്നത് !

ഏഷ്യൻ പെയിന്റും ബെർഗ്ഗറും നാഷണലുമെല്ലാം ചുമരുകളിൽ നിറം പിടിപ്പിക്കുന്നതിനു മുമ്പേ
നമ്മുടെ തറവാടുകളുടെ ഐശ്വര്യമായിരുന്നല്ലോ, കുമ്മായത്തിന്റെ വെളുത്ത നിറം.

കക്കവാരലുകാരെ കടന്ന് കാഴ്ചകളുടെ പുതിയ തീരങ്ങൾ തേടിയുള്ള യാത്ര തുടരുന്നു.

നന്ദി

(ക്യാമറ: നിക്കോണ്‍ ഡി.90, ലെന്‍സ്: സിഗ്മ 18 ~ 50 mm, f2.8, സിഗ്മ 70 ~ 300 mm, സ്ഥലം: ചേറ്റുവ / തൃശൂർ )

രണ്ടെണ്ണം ഉള്ളിൽ ചെന്നാൽ....

2010-09-13T09:40:00.000-07:00

മരണത്തിന്റെ വക്കിൽ നിന്ന് ശൂരത്വം പ്രദർശിപ്പിക്കുന്ന ഒരു ടീനേജ് മദ്യപാനി.

നെല്ലിയാമ്പതിയിലെ ആത്മഹത്യാ മുനമ്പിൽ നിന്നൊരു ദൃശ്യം.

പുലിക്കളി - 3

2010-09-08T09:26:00.000-07:00

പുലിക്കളി തുടരുന്നു,
പുലിയൊരുക്കത്തിന്റെ അവസാന ഘട്ടം...

തലയിൽ തോർത്തു ചുറ്റി അതിനു മുകളിൽ മുടി വെയ്ക്കുന്നു..

ശേഷം മുഖം മൂടി അണിയുന്നു..

ഇറങ്ങുന്നതു മുമ്പ് ഒരു സ്റ്റെപ്പ് റിഹേഴ്സൽ..

പുലിക്കളി കലാകാരന്മാർ റെഡി..

അങ്കത്തിന് കന്നിപ്പുലികളും റെഡി..

തുടർന്ന് നിരനിരയായി സ്വരാജ് റൌണ്ടിലെ നടുവിലാലിനടുത്തേയ്ക്ക്...

അവിടെ ഗണപതിക്ക് തേങ്ങയടിച്ച് ഇത്തവണത്തെ കളി ആരംഭിക്കുന്നു..

തേങ്ങയുടച്ച് തിരിയുന്നതോടെ ആട്ടം ആരംഭിക്കുന്നു...

പടങ്ങൾ കാണുമ്പോൾ ഇത് പാണ്ടി ഡപ്പാംകൂത്ത് സ്റ്റൈൽ ആട്ടമാണെന്നു തോന്നാമെങ്കിലും വാസ്തവം അതല്ല..

പുലിക്കളിക്ക് അതിന്റേതായ ഒരു താളമുണ്ട്...സ്റ്റെപ്പുകളുമുണ്ട്..

മുഷ്ടി ചുരുട്ടി (പാണ്ടി ഡാൻസിൽ വിരലുകൾ മടക്കാറില്ല..ല്ലേ! ) , കയ്യും കാലും മുന്നോട്ടു നീക്കി, ഒരിട നിശ്ചലമായി, തോളും മണികെട്ടിയ അരപ്പട്ടയും കുലുക്കി...

ചെണ്ട തപ്പ് ഇലത്താളത്തിന്റെ പശ്ചാത്തല മേളത്തിൽ...

അവരങ്ങനെ ആടിത്തിമിർക്കുന്നു.

ചക്കാമുക്ക്, കീരംകുളങ്ങര, പെരിങ്ങാവ്, തൃക്കുമാരംകുടം, വിയ്യൂർ, പൂങ്കുന്നം, കാനാട്ടുകര (ദേശം & യുവസംഘം), വെളിയന്നൂർ, സീതാറാം മിൽ ലൈൻ എന്നീ ദേശങ്ങളെ പ്രതിനിധീകരിച്ചാണ് ടീമുകൾ രംഗത്തിറങ്ങിയത്.

പതിമൂന്നു ടീമുകളാണ് സ്ഥിരമായി പുലികളെ ഇറക്കാറ്, എന്നാൽ ഇത്തവണ എണ്ണം പത്തായി ചുരുങ്ങി, സാമ്പത്തിക പ്രതിസന്ധി തൃശൂർ അങ്ങാടിക്കും ബാധകമാണ്..!

ഒരു പുലികലാകാരന് രാവിലെ 8 മണി മുതൽ രാത്രി 12 മണിക്ക് കഴുകി അവസാനിപ്പിക്കുന്നതു വരേയുള്ള കൂലി 1500 രൂപയാണ്, ഭക്ഷണമുൾപ്പെടെയുള്ള മറ്റു ചെലവുകൾ വേറെ...!
ഒരു ടീമിൽ അമ്പത്തിയൊന്ന് പുലികൾ വരേ ആകാം...

ലോക ടൂറിസം മാപ്പിൽ ഇടം പിടിച്ചുവെന്ന് അവകാശപ്പെടുന്ന ഈ ആഘോഷം കാണാനും പകർത്താനും വിദേശികളും ഏറെയാണ്...

ഒരു ടീമിനെ രംഗത്തിറക്കാൻ രണ്ടു ലക്ഷത്തിനടുത്ത് ചെലവുണ്ടത്രേ..!,
ജില്ലാ പഞ്ചായത്തിന്റേയും തൃശൂർ കോർപ്പറേഷന്റേയും പരിമിതമായ സാമ്പത്തിക സഹായങ്ങൾ ഇവർക്കുണ്ടെങ്കിലും ടീമുകളുടെ എണ്ണം കുറയുന്നത് ആശങ്കാ ജനകമാണ്...

ന്നാലും, ചിനുങ്ങി പെയ്ത മഴയിലും ആവേശം ചോരാതെ, സ്വരാജ് റൌണ്ടിലേയ്ക്കുള്ള എല്ലാ റോഡുകളിലൂടെയും തിങ്ങി നിറഞ്ഞെത്തിയ ഈ ജനക്കൂട്ടത്തെ കാണുമ്പോൾ, ഈ പുലികൾക്ക് അടുത്തൊന്നും വംശനാശം സംഭവിക്കാൻ ഇടയില്ല എന്നു തോന്നുന്നു.!
നന്ദി.

(ക്യാമറ: നിക്കോണ്‍ ഡി.90, ലെന്‍സ്: സിഗ്മ 18 ~ 50 mm, f2.8, സിഗ്മ 70 ~ 300 mm, സ്ഥലം: തൃശൂർ)

പുലിക്കളി - 2

2010-09-02T19:42:00.000-07:00

പുലിക്കളി തുടരുന്നു...
ഫിഗർ വര പൂർത്തിയായവരെ മാറ്റിനിർത്തി അടുത്തയാൾക്ക് അവസരം കൊടുക്കുന്നു...

ഗൊറില്ല പൌഡറിൽ നിറങ്ങൾ ചേർത്തരച്ചാണ് ചായങ്ങൾ നിർമ്മിക്കുന്നത്..

ടർപ്പന്റൈനും മറ്റും പൌഡർ മിശ്രണം ചെയ്യുവാൻ ഉപയോഗിക്കും..
പലരും ധരിച്ചതു പോലെ ഇനാമൽ പെയിന്റ് ഇതിന് ഉപയോഗിക്കാറില്ല.

മോട്ടോർ ഉപയോഗിച്ച് നിറങ്ങൾ സ്പ്രേ ചെയ്തും പിടിപ്പിക്കാറുണ്ട്..!

പുലികൾക്കുള്ളിലും ഒരു കലാഹൃദയമുണ്ട്...

പുലിക്കൂട്ടം ഒരുങ്ങുന്നു..

ഇത് ബംഗാൾ പുലിയാണ്, കോൺക്രീറ്റ് പണിക്ക് തൃശൂര് വന്നതാണ്, ഈ സമൂഹം ടിയാനേയും പുലിയാക്കി..

വര പൂർത്തിയായവരെ വീണ്ടും ഉണക്കാനിടുന്നു..

കൂട്ടിലടക്കപ്പെട്ടവരുടെ കാത്തിരിപ്പ്..

ഫ്ലൂറസന്റ് പുലികളുടെ കാത്തു നിൽ‌പ്പ് തുടരുന്നു...

കഴിഞ്ഞ് അമ്പത്തിമൂന്നു വർഷമായി പുലിവേഷം കെട്ടുന്ന ചാത്തുണ്ണ്യേട്ടനും ഇത്തവണത്തെ കന്നിക്കാരും...

കാനാട്ടുകരയുടെ റസ്സൽക്രോ,
കുറെ നേരം ഇങ്ങനെ നിന്നാൽ ആർക്കായാലും ബോറടിക്കും...

ചിലർ ഇതു പോലെ ഇറങ്ങി നടന്നെന്നും വരും.

ബോറടിച്ചാൽ കഴിക്കാൻ നേന്ത്രപ്പഴവും ബ്രെഡും കമ്മറ്റിക്കാർ ഒരുക്കിയിട്ടുണ്ട്..

ഒരുക്കത്തിന്റെ അവസാനമായി ഗോൾഡൻ ഗിൽറ്റ് പൌഡർ ശരീരത്തിൽ വിതറുന്നു.

ശരീരത്തിൽ വരച്ചു ചേർത്ത പുലി / സിംഹ മുഖങ്ങൾ

വയറിൽ വരച്ച ഈ മുഖങ്ങളുമായി ഇനി തൃശൂരിന്റെ നിരത്തിലേയ്ക്ക്..
ആ ചിത്രങ്ങൾ അടുത്ത തവണ.
പുലിക്കളി തുടരുന്നു...

പുലിക്കളി - 1

2010-09-01T04:50:00.001-07:00

തൃശൂർ പുലിക്കളി - 2010
ഇവിടെ ആരും പുലികളായി ജനിക്കുന്നില്ല, ഈ സമൂഹമാണ് അവരെ പുലികളാക്കി മാറ്റുന്നറ്റ്..!

ഇത്തവണത്തെ തൃശൂർ പുലിക്കളിയിൽ നിന്ന് പകർത്തിയ പുലി മേക്കിംഗിന്റെ ചില ചിത്രങ്ങളാണ് ഇത്തവണ.
തുടക്കമിങ്ങനെ, പുലിയാവാൻ താല്പര്യം പ്രകടിപ്പിക്കുന്ന ആളുകളെ ആദ്യം തന്നെ അന്നേക്കു റിസർവ്വു ചെയ്യുന്നു, പലരും വർഷങ്ങളായി പുലിവേഷം കെട്ടുന്നവരാണ്. ക്ലീൻ ഷേവു ചെയ്ത ശരീരവുമായി നാലാമോണത്തിനു രാവിലെ എട്ടുമണിക്കു തന്നെ ഗ്രീൻ റൂമിലെത്തണമെന്നാണ് വ്യവസ്ഥ..

എത്തിക്കിട്ടിയ ശരീരത്തിൽ ചായമടിച്ചു തുടങ്ങുന്നു..

ആദ്യം ഫില്ലിങ് വർക്കാണ്, അതിനു ശേഷമാണ് ഫിഗർ വരയ്ക്കുക..

പുലിമുഖമൊഴിച്ചുള്ള എല്ലാ വരകളും ആദ്യം തന്നെ തീർക്കുന്നു, ഇത്തവണത്തെ പുലിക്കളിയുടെ ഹൈലൈറ്റായിരുന്നു നീലപ്പുലികൾ..!

അതു പോലെ തന്നെ പച്ച പുലികളും, പുറത്തിനെ തുടർന്ന് കാലുകളിലും ചായമടിക്കുന്നു

അതിനു മുകളിൽ പുള്ളികളോ വരകളോ ഉണ്ടെങ്കിൽ അതും തീർക്കുന്നു

ശേഷം ഉണക്കാൻ വെയ്കുന്നു, കൈകൾ മടങ്ങിയാൽ മടക്കു വശത്തെ പെയിന്റ് പോകുമെന്നതിനാൽ ഇതു പോലെ നീട്ടി പിടിച്ചാണ് ഉണക്കാൻ വെക്കുന്നത്. ഓരോ ഘട്ടം കഴിഞ്ഞാലും ചുരുങ്ങിയത് ഒരു മണിക്കൂറെങ്കിലും ഉണക്കണം, എന്നിട്ടെ അടുത്ത കോട്ടടിക്കുവാൻ പാടുള്ളൂ..

സമയമായാൽ അടുത്ത ഘട്ടം ഫിഗർ വരച്ചു തുടങ്ങുന്നു..ഔട്ട് ലൈൻ ആദ്യം...

ഒറിജിനലിന്റെ ചിത്രം നോക്കിയാണ് വര... പുലിയുടെ ഉടലും സിംഹത്തിന്റെ മുഖവുമൊക്കെയുള്ള സങ്കര ഇനങ്ങളെയൊക്കെ ഇവിടെ കണ്ടേക്കാം..

ഫിഗറിന്റെ ആദ്യം ഘട്ടം ഏതാണ്ട് പൂർത്തിയാകുന്നു..

അതൊന്നുണങ്ങിക്കഴിഞ്ഞാൽ ഫിഗറിന്റെ ഫിനിഷിംഗ് വർക്ക്..

മുഖം മൂടികളും അവിടെ തന്നെ നിർമ്മിക്കുന്നതാണ്, അതിനുള്ള ജോലികൾ ദിവസങ്ങൾ മുമ്പേ തുടങ്ങി പുലർച്ചയോടെ അവസാനിപ്പിച്ചിട്ടുണ്ടാകും..

പുലിക്കളി തുടരുന്നു...

കന്നുപൂട്ട് മത്സരം

2010-08-26T19:55:00.000-07:00

വിഡിയോ ജോക്കി സൈറസ് ബ്രോച്ചയെ നമ്മളറിയും, ഡിസ്ക് ജോക്കി ബല്ലി സാഗൂ, ഹോഴ്സ് ജോക്കി സൂരജ് നരേഡു, റേഡിയോ ജോക്കി അമീൻ സയാനി എന്നിവരേയും നമ്മൾ അറിയും, കന്നു ജോക്കി വാസൂനെ ആർക്കറിയാം..? മേൽ പറഞ്ഞവർക്കൊന്നും ഒരു സ്ഥാനവുമില്ലാത്ത ഒരിടത്ത് കന്നു ജോക്കി വാസുവാണ് താരം. വാസുവിനും മുത്തുവിനും തുടങ്ങി പല കന്നു ജോക്കിമാർക്കും അവിടെ നിറയെ ആരാധകരാണ്.! കോട്ടായി, ചിറ്റൂർ, എരിമയൂർ, കുത്തനൂർ, പെരിങ്ങോട്ടുകുറിശ്ശി, മൂടപ്പല്ലൂർ തുടങ്ങി പാലക്കാടു ജില്ലയിലെ വിദൂര ഗ്രാമങ്ങളിൽ നിന്ന് ലോറിയിലും 407 ലും കൂട്ടംകൂട്ടമായി വന്ന് ഇവർ ജോക്കികൾക്കുവേണ്ടി ആർപ്പു വിളിക്കുന്നു, വാതു വെയ്ക്കുന്നു.!.
കന്നു ജോക്കിയെന്നൊക്കെ പറയുമ്പോൾ ഒരു പുച്ഛം തോന്നുന്നുണ്ടോ.? ഇതാണ് അവരുടെ കളി..!

ഇതു കളി വേറെയാണു നാരായണാ..!

കളിയിങ്ങനെ...കന്നുകളിൽ ഈയൊരു സുന ഘടിപ്പിക്കുന്നു..

ഇതിന്റെ മുകളിലാണ് ജോക്കി കയറി നിൽക്കുന്നത്, സ്റ്റിയറിങ്ങും ആകെയുള്ള പിടിവള്ളിയും കന്നുകളുടെ വാൽ മാത്രമാണ്.

ഫോർമുലാ വൺ കാറോട്ട മത്സരം പോലെ എക്സ്പെർട്ടുകളുടെ ഒരു ടീം ജോക്കികൾക്കു പിന്നിലുണ്ടാകും, അവർ കന്നുകളുടെ കഴുത്തിൽ നുകം ഉറപ്പിക്കുന്നു...

ഇതാണ് സ്റ്റാർട്ടിംഗ് പോയിന്റ്....

ഫ്ലാഗ്ഗ് ഉയരുന്നതോടെ ആവേശം ആരംഭിക്കുന്നു..

ഇവിടെയും ഫിനിഷിംഗ് പോയിന്റിലും സമയം അളക്കുവാനുള്ള മേൽനോട്ടക്കാരുണ്ടായിരിക്കും.

ട്രാക്ക് കുറഞ്ഞ സമയംകൊണ്ട് ഓടിത്തീർക്കുന്നവർ വിജയിക്കുന്നു.

ചെളിയിൽ ചാടി മറിഞ്ഞ് അവരുടേതായ സ്റ്റൈലിൽ വിജയങ്ങളും ആഘോഷിക്കുന്നു.

ദക്ഷിണേന്ത്യയിലെ കന്നോട്ട മത്സരത്തിന്റെ ചരിത്രം തിരഞ്ഞു പോയാൽ നമ്മളെത്തി നിൽക്കുക സംഗകാലഘട്ടത്തിലെ മധുരയിലെ ചോള രാജവംശത്തിന്റെ രാജധാനിയിലായിരിക്കും....അല്ലേ നമ്മളിപ്പോളെന്തിനാ അങ്ങോട്ട് പോണേ..! ചുമ്മാ പടങ്ങള് കണ്ട് അർമ്മാന്തിച്ചാൽ പോരേ...! പാലക്കാട് ടൌണിൽ നിന്ന് 15 കി.മി ഇപ്പുറം തൃശൂർ റോഡിനരികിലായി ചിതലി എന്ന സ്ഥലത്താണ് ഓണം കഴിഞ്ഞ് അവിട്ടം ദിവസം ഈ കാർഷികാഘോഷം നടക്കാറ്.

ഒരു വമ്പൻ ജനക്കൂട്ടം ഇതു കാണുവാൻ വർഷവും ഇവിടെ എത്താറുണ്ട്.

ചിതലിയിലെ ഹരിദാസ് സ്മാരക സ്റ്റേഡിയത്തിലാണ് കന്നു പൂട്ട് നടക്കുന്നത്.

സ്റ്റേഡിയത്തിലെ ബാൽക്കണിയിൽ ഇടം കിട്ടാത്തർ സ്വന്തം നിലയ്ക്കും സീറ്റ് സംഘടിപ്പിക്കും.

ജില്ലയുടെ പലഭാഗങ്ങളിൽ നിന്നായി വാഹനങ്ങളിൽ കന്നുകളെ എത്തിക്കുന്നു.

കന്നുകളെ ഉപദ്രവിക്കാതെ ഉത്സവം നടത്തണമെന്നാണ് ഹൈക്കോടതിയുടെ നിർദ്ദേശം,

അതിനായി നിരീക്ഷകനേയും കോടതി നിയമിച്ചിട്ടുണ്ട്.

ഓട്ടം തുടങ്ങിയാൽ ആവേശം അണപൊട്ടുകയായി..

പ്രായ ഭേദമന്യേ എല്ലാവരു അർമ്മാന്തിക്കുന്നു.

വെല്ലാണ്ട് അർമ്മാന്തിച്ച് വടത്തിനപ്പുറത്തേക്കു നീങ്ങിയാൽ മാമന്മാരു വന്നു നീക്കിക്കോളും..!

ജോക്കികളുടെ പ്രത്യഭിവാദ്യം ലഭിക്കുന്നവർ ഭാഗ്യവാന്മാർ....

കൂട്ടുകാരുടെ മുളകു ബജിയും ചായയും അവർക്കുള്ളതാണത്രേ..!

പോത്ത്, കാള, പോത്ത് - കാള (മിക്സഡ് ഡബിൾസ്) എന്നീ മൂന്നു വിഭാഗങ്ങളിലായി സീനിയർ, ജൂനിയർ, സബ് ജൂനിയർ എന്നീ തലങ്ങളിലാണ് മത്സരം ഉണ്ടാകുക.

ഇത്തവണത്ത വിജയികൾ ആരാണോ അവരായിരിക്കും അടുത്ത ഒരു വർഷത്തേയ്ക്ക് പാലക്കാട്ടെ ഈ വയലുകളിലെ രാജാന്മാർ...!

നന്ദി.

(ക്യാമറ: നിക്കോണ്‍ ഡി.90, ലെന്‍സ്: സിഗ്മ 18 ~ 50 mm, f2.8, സിഗ്മ 70 ~ 300 mm, സ്ഥലം: ചിതലി / പാലക്കാട്)

യാത്ര

2010-08-20T09:26:00.000-07:00

യാത്രകൾക്കായി മറ്റൊരവധിക്കാലം കൂടി..!
അതിരപ്പിള്ളിയിൽ നിന്നൊരു ദൃശ്യം.