കന്നുപൂട്ട് മത്സരം
കന്നു ജോക്കിയെന്നൊക്കെ പറയുമ്പോൾ ഒരു പുച്ഛം തോന്നുന്നുണ്ടോ.? ഇതാണ് അവരുടെ കളി..!
ഇതു കളി വേറെയാണു നാരായണാ..!
കളിയിങ്ങനെ...കന്നുകളിൽ ഈയൊരു സുന ഘടിപ്പിക്കുന്നു..
ഫോർമുലാ വൺ കാറോട്ട മത്സരം പോലെ എക്സ്പെർട്ടുകളുടെ ഒരു ടീം ജോക്കികൾക്കു പിന്നിലുണ്ടാകും, അവർ കന്നുകളുടെ കഴുത്തിൽ നുകം ഉറപ്പിക്കുന്നു...
ഇതാണ് സ്റ്റാർട്ടിംഗ് പോയിന്റ്....
ഫ്ലാഗ്ഗ് ഉയരുന്നതോടെ ആവേശം ആരംഭിക്കുന്നു..
ഇവിടെയും ഫിനിഷിംഗ് പോയിന്റിലും സമയം അളക്കുവാനുള്ള മേൽനോട്ടക്കാരുണ്ടായിരിക്കും.
ട്രാക്ക് കുറഞ്ഞ സമയംകൊണ്ട് ഓടിത്തീർക്കുന്നവർ വിജയിക്കുന്നു.
ചെളിയിൽ ചാടി മറിഞ്ഞ് അവരുടേതായ സ്റ്റൈലിൽ വിജയങ്ങളും ആഘോഷിക്കുന്നു.
ഒരു വമ്പൻ ജനക്കൂട്ടം ഇതു കാണുവാൻ വർഷവും ഇവിടെ എത്താറുണ്ട്.
ചിതലിയിലെ ഹരിദാസ് സ്മാരക സ്റ്റേഡിയത്തിലാണ് കന്നു പൂട്ട് നടക്കുന്നത്.
സ്റ്റേഡിയത്തിലെ ബാൽക്കണിയിൽ ഇടം കിട്ടാത്തർ സ്വന്തം നിലയ്ക്കും സീറ്റ് സംഘടിപ്പിക്കും.
ജില്ലയുടെ പലഭാഗങ്ങളിൽ നിന്നായി വാഹനങ്ങളിൽ കന്നുകളെ എത്തിക്കുന്നു.
കന്നുകളെ ഉപദ്രവിക്കാതെ ഉത്സവം നടത്തണമെന്നാണ് ഹൈക്കോടതിയുടെ നിർദ്ദേശം,
അതിനായി നിരീക്ഷകനേയും കോടതി നിയമിച്ചിട്ടുണ്ട്.
ഓട്ടം തുടങ്ങിയാൽ ആവേശം അണപൊട്ടുകയായി..
പ്രായ ഭേദമന്യേ എല്ലാവരു അർമ്മാന്തിക്കുന്നു.
വെല്ലാണ്ട് അർമ്മാന്തിച്ച് വടത്തിനപ്പുറത്തേക്കു നീങ്ങിയാൽ മാമന്മാരു വന്നു നീക്കിക്കോളും..!
ജോക്കികളുടെ പ്രത്യഭിവാദ്യം ലഭിക്കുന്നവർ ഭാഗ്യവാന്മാർ....
കൂട്ടുകാരുടെ മുളകു ബജിയും ചായയും അവർക്കുള്ളതാണത്രേ..!
ഇത്തവണത്ത വിജയികൾ ആരാണോ അവരായിരിക്കും അടുത്ത ഒരു വർഷത്തേയ്ക്ക് പാലക്കാട്ടെ ഈ വയലുകളിലെ രാജാന്മാർ...!
നന്ദി.
(ക്യാമറ: നിക്കോണ് ഡി.90, ലെന്സ്: സിഗ്മ 18 ~ 50 mm, f2.8, സിഗ്മ 70 ~ 300 mm, സ്ഥലം: ചിതലി / പാലക്കാട്)
